Соғыс басталғалы бері Кремльді мақтап келген Z-патриоттардың үні өзгере бастады. Белгілі насихатшы Александр Горный енді ашық айтып отыр: «Ресейді ауқымды әрі аяусыз экономикалық дағдарыс күтіп тұр. Соңы – ыдырау...»

Горный Не деді?

Facebook-тағы жазбасында ол Кремльді «Украинаға жаппай кек соққысын» жасауға шақырды. Себебі, оның сөзінше, бейбіт келісім енді мүмкін емес: «Тек толық жойылу немесе біреудің капитуляциясы ғана қалды».

Ең сұмдығы мынау:

«Қазір жанармай құю бекеттерінде бензин үшін төбелесіп жатыр. Ертең бір үзім нан мен бір банка тушенка үшін ұрыс басталады. Осыны қалайсыздар ма?»

Бұл нені білдіреді?

1. Ішкі паника: Тіпті соғыстың ең белсенді жақтастары да экономикалық күйреуді мойындай бастады. Бұл – Кремль үшін ең қауіпті дабыл.
2. «Не бәрі, не ештеңе»: Горныйдың риторикасы Ресей элитасындағы бір бөліктің шарасыздығын көрсетеді. Жеңіске жетудің басқа жолы қалмағандай.
3. Халыққа ескерту: Бензин, су, жарық тапшылығы – «гүл шоғы» ғана. Нағыз ашаршылық алда деген сөз.

Соғыс ұзаған сайын Ресейдің ішіндегі сызат ұлғайып барады. Кеше «Киевті 3 күнде аламыз» дегендер, бүгін «ел ыдырап кете ме» деп қорқады.

Z-блогерлердің бұл үрейі Кремль саясатын өзгерте ала ма? Әлде бұл – жай ғана халықты қорқытып, соғысты жалғастырудың амалы ма?

Abai.kz