Орталық Азия геосаясатты көз алдымызда қайта жазылып жатыр! Кезінде Ұлы Жібек жолының жүрегі болған Өзбекстан бүгінде АҚШ, Қытай және Ресей сияқты әлемдік державалардың «текетірес алаңына» емес, өзіндік дербес ойын жүргізетін қуатты ойыншыға айналды.

Сонда «Жаңа Өзбекстан» стратегиясы аймақтағы күштер тепе-теңдігін қалай өзгертті? Неге геополитикалық бәсекелестік Ташкенттің төңірегінде ушықты?

Оқшауланудан – Ашық дипломатияға: Ислам Каримов дәуіріндегі шектеулер артта қалды. Шавкат Мирзиёев билікке келгелі Өзбекстан көршілерімен шекара мәселесін шешіп, Орталық Азияны ортақ интеграциялық кеңістікке айналдыруға күш салуда.

Жібек жолының жаңа траекториясы (BRI vs. AҚШ инфрақұрылымы): Бейжің Ташкентті «Бір белдеу – бір жол» жобасының негізгі торабы деп санайды. Ал Уашингтон мен Брюссель Орталық Азияның Қытайға тым тәуелді болып кетпеуін қадағалап, альтернативті логистикалық бағыттар мен инвестиция ұсынуда.

Державалар арасындағы баланс: Өзбекстан ешқандай блоктың «сателлитіне» айналмай, өз ұлттық мүддесін бірінші орынға қоюда. Бұл геосаяси шеберлік пе, әлде үлкен тәуекел ме?

Қазақстан мен Өзбекстан: Бәсекелестік пе, әлде стратегиялық альянс па? Ташкенттің экономикалық және демографиялық серпіні аймақтағы көшбасшылық рөлге қалай әсер етеді? Орталық Азиядағы ықпалдастық аймаққа сыртқы күштердің қысымын азайтуға көмектесе ме? Осы сауалдарға қатысты өз пікіріңізді Abai.kz ақпараттық порталының әлеуметтік желідегі парақшаларында жазыңыз...

Телеграм арнамыз: Abai.kz - abaiaqparat

Abai.kz