Қазақстан біржақты тәртіппен 10 мемлекет азаматтары үшін визасыз режим орнатады. Today.kz-тің жазуынша, бұл туралы кеше ҚР Президенті жанындағы Шетел инвесторлары кеңесінің 27-ші жалпы отырысы барысында Елбасы Нұрсұлтан Назарбаев мәлімдеген.

«Бизнес байланыстарды, кәсіпкерлердің халықаралық кооперациясын кеңейту үшін визалық тосқауылдарды жою қажет. Бүгінде біз Қазақстанда барынша жоғары инвестициялық белсенділік көрсеткен 10 мемлекеттің азаматтары үшін визасыз режимді біржақты бекіту турасында жария етеміз», – деген өз сөзінде Елбасы Н.Назарбаев.

Қазақстан Көшбасшысының атап өтуінше, бұл тізімде, АҚШ, Нидерланды, Ұлыбритания, Франция, Германия, Италия, Малайзия, Біріккен Араб Әмірлігі, Корея Республикасы және Жапония бар.

Абай-ақпарат