Әдетте экономикалық мәселелер қаралатын жиында бұл жолы күн тәртібіне терроризмге қарсы бірлескен күрес және босқындар проблемасының гуманитарлық мәселелерін талқылау енгізіліп отыр.

Бұл жолғы саммитке алдын ала жоспарланған ойын-сауық шаралары Париждегі қайығылы оқиғаларға байланысты өткізілмейтін болды.

АҚШ президенті Барак Обама мен Ресей президенті Владимир Путин саммит сыртында ресми емес қысқа кездесу өткізді. Онда олар Сирия мен Украинадағы шиеленісті шешу жолдарын талқылаған. Екі президент те Сириядағы соғысты тоқтату керек деп келіскен. Бұл олардың қыркүйек айының соңында ресейлік әскери күштердің Сирияға соққы бергеннен кейінгі бірінші кездесулері.

Абай-ақпарат