Қазақты қойға теңеген адамды жақтырмаймын. "Қойдай момын қазағым" деген мақалға жыным келеді.

Адам нәрді туған топырағы мен жеген тамағынан алады. Қазақ жылқы мінезді, тарпаңдау текті xалық болатын. Ата бабамыздың өмірі аттың үстінде өтті. Жылқының қымызын ішті, етін жеді. Кешегі кеңес үкіметі жылқыны құртып, "қойдың санын 50 миллионға жеткіземіз" деді. Мектеп бітірген балаларды екі жыл қой бақтырды. Мақсат - "үш күн қой баққан адамнан қырық күн ақыл сұрама" деген. Мақалды басшылыққа алдырды. Маңғыстауда "Адай жылқысының" "тұқымын өзгертеміз" деп талай сынақ жүргізді. Құдай сақтап сынақтары сәтсіздікке ұшырады. Біз балаларымызға шама келгенше жылқының етін беріп, атқа міңгізіп үйретуіміз керек.

Бұл жерде қой керек емес, етін мүлдем жемеңдер деп отырғаным жоқ. Бірақ шама келгенше жылқыға бет бұрған дұрыс.

Жәнібек Қожық

Facebook-тегі парақшасынан