Біреуді өкпелет, ренжіт, есеңді жіберме, өзіңді ғана жақсы көр. Ә десе, мә де. Тек сүмелек, сорлы, жуас, жұмсақ болып қалма. Қатал қоғамда осылай "выживать" ету керек.

Анау әдемі айтылған әңгімелер, ғибраттарды сөз жүзінде жаза сал, бірақ оны орындауың, орындамауыңды өзің де білмейсің. Өзің де істеме, өзгеге де істетпе. Қасыңдағы адамға бақталастықты ұқтыр, үйрет, оянсын, әрекет етсін. Қозғау сал. Өзі жоқта сыртынан сыпсыңдатып, ол түрлі өсектің нешеме атасын жібер. Жаманда, өзіңді мақта. Тек пайда ізде, пайдасы тиіп қалады-ау дегендермен достас, табақтас, әңгімелес бол. Ойлағаның ақша болсын. Қызметте өсу, табыс, тек пайда әкелетін жерді ғана ойла. Ақылды болып көрінуге тырыс. 

Мені жамандайды, несі бар деп тұрып, сен де өзгелерді көре алмайтын, пендешілігің барын жасырып қалғың келеді. Кереметпін дегіңіз келеді ме, дәлелдеуге, қарсы сөз айтуға жарайды асыға беріңіз. Өйткені, жаман адамда өзін сондай қатты жақсы көреді. 

Өзімізді жақсы көретініміз соншалық, сол "жақсы көрушілік" бізді көп нәрсеге ұрындырады екен. Брр, бір сөзбен айтқанда қандай жаман адам едім.

Жансая Сыдықбай

Facebook-тегі парақшасынан