بىرەۋدى وكپەلەت، رەنجىت، ەسەڭدى جىبەرمە، ءوزىڭدى عانا جاقسى كور. ءا دەسە، ءما دە. تەك سۇمەلەك، سورلى، جۋاس، جۇمساق بولىپ قالما. قاتال قوعامدا وسىلاي "ۆىجيۆات" ەتۋ كەرەك.

اناۋ ادەمى ايتىلعان اڭگىمەلەر، عيبراتتاردى ءسوز جۇزىندە جازا سال، بىراق ونى ورىنداۋىڭ، ورىنداماۋىڭدى ءوزىڭ دە بىلمەيسىڭ. ءوزىڭ دە ىستەمە، وزگەگە دە ىستەتپە. قاسىڭداعى ادامعا باقتالاستىقتى ۇقتىر، ۇيرەت، ويانسىن، ارەكەت ەتسىن. قوزعاۋ سال. ءوزى جوقتا سىرتىنان سىپسىڭداتىپ، ول ءتۇرلى وسەكتىڭ نەشەمە اتاسىن جىبەر. جاماندا،ء وزىڭدى ماقتا. تەك پايدا ىزدە، پايداسى ءتيىپ قالادى-اۋ دەگەندەرمەن دوستاس، تاباقتاس، اڭگىمەلەس بول. ويلاعانىڭ اقشا بولسىن. قىزمەتتە ءوسۋ، تابىس، تەك پايدا اكەلەتىن جەردى عانا ويلا. اقىلدى بولىپ كورىنۋگە تىرىس. 

مەنى جاماندايدى، نەسى بار دەپ تۇرىپ، سەن دە وزگەلەردى كورە المايتىن، پەندەشىلىگىڭ بارىن جاسىرىپ قالعىڭ كەلەدى. كەرەمەتپىن دەگىڭىز كەلەدى مە، دالەلدەۋگە، قارسى ءسوز ايتۋعا جارايدى اسىعا بەرىڭىز. ويتكەنى، جامان ادامدا ءوزىن سونداي قاتتى جاقسى كورەدى. 

ءوزىمىزدى جاقسى كورەتىنىمىز سونشالىق، سول "جاقسى كورۋشىلىك" ءبىزدى كوپ نارسەگە ۇرىندىرادى ەكەن. برر، ءبىر سوزبەن ايتقاندا قانداي جامان ادام ەدىم.

جانسايا سىدىقباي

Facebook-تەگى پاراقشاسىنان