Мен бір қызық ойыммен бөліскім келіп отыр. Ол мынау: егер еркектерде ұрғашыға құмарлық тоқтар болса, мына дүниеде мағына да, мән де қалмайды. Онда сұлулық та сөнеді. Ал керек болса, қатырдым бәрін.

Сұлулық туралы барлық теорияны жоққа шығарайын, сөйтіп бір. Және де бұл - ақиқат. Әйелдің етегіне бір көз салмайтын еркек жоқ. Ол, қарамаймын деген күннің өзінде, көзі бағынбай, өзі бір сүзіп өтеді. Оны, ол қасқаң байқамай да қалуы мүмкін. Түйсік, табиғи инстинкт. Соған бола әйелдер юбкасының етегін қысқарта береді. Солай, ол етекте бір құдырет бар. Шығыс халқы ақымақ емес қой, сол жерге тұтас философияны байлап қойған. Қазақ қандай мәдениетті халық деймін, сол құмарлықты, сол етекті былай суреттейді емес пе?

Ағашы зейімкенің селдіреген.

Қалқаның екі-ау көзі-мөлдіреген.

Ән салып кешке таман шыққан кезде,

Бүрмесі ақ көйлектің желбіреген.

Керемет қой! Құмарлық та бар, сурет те бар. Бүрмесі деп отырғаны - көйлектің етегі емес пе? Желбіреді дегені... мұрынның желбірегені. Құмарлық емес пе, не? Өтірік деңізші, ал?

Серік Жанболат 

Facbook-тегі парақшасынан