19 шілдеде Огайо штатының Кливленд қаласында өткен партия съезінің шешуші дауыс беру сәтінде, Трамп өзінің 16 қарсыласынан алға шықты. Трамптың қарсыластары да осал емес, тәжірибелі саяткерлерлер. Енді 21 шілдеде болатын ресми сөз сөйлеу салтанаты кезінде, Трамп президенттікке үміткер болу ұсынысын ресми түрде қабылдайды деп күтіледі.

Оның сайлауалды үндеулеріндегі елге мұсылмандардың кіруіне тыйым салу, Мексикамен арадағы шекараға қорған орнату және әйелдердің атына айтылған сындары Америка халқының, тіптен республикашыл, АҚШ-тың экс-президенті Джордж Буштың да ашу-ызасын туғызған. Демократиялық партия атынан Трамптың басты қарсыласы бұрынғы мемлекеттік хатшы Хиллари Клинтон болуы мүмкін. Оны келесі аптада Филадельфияда болатын Демократиялық партияның съезінде ресми түрде ортақ үміткер ретінде жариялайды деп күтіледі.

Абай-ақпарат