Тәжікстанда қос ғашық қол ұстасып өмірмен қоштасты
15 шілдеде Пенжикентке жақын маңдағы Зарафшон өзенінде Айнин ауданының екі тұрғынының денесі табылды. 24 жастағы Шахбоз Холмуродов пен 21 жастағы Санавбар Гафурованы туған-туыстары мен Зосун қышлағының тұрғындары бір апта бойы іздестірді.
Зосун қышлағындағы ауылдық кеңестің басшысы Акбархуджы Солеховтың айтуынша, ғашықтар өмірмен өз еріктерімен қоштасқан. 8 шілдеде жастар қышлақтан алты шақырым жердегі өзенге ағып өлген. Тұрғындар бұл оқиғаға әртүрлі болжам жасады. «Жастардың ата-аналары олардың некелесуіне қарсы болмаған, кейін жағдай өзгерсе керек. Олардың қосылуына не кедергі болғаны бізге белгісіз», - деді Солехов.
Шахбоз Холмуродов Тәжікстан Ұлттық университетін бітіріп, Анзобтегі Металлургия комбинатының химиялық зертханасына жұмысқа тұрған. Санавбар Гафурова биыл Айнин ауданының медициналық колледжін аяқтаған.
Абай-ақпарат
