Шардара ауданы бойынша барлық терімге түсетін жер көлемі 11298 гектар.  Көксу, Ұзыната және Алатау батыр ауылдық округтерінде мақта терімі басталып, мақта қабылдау пункттеріне тапсырыла бастады. Бүгінгі таңға жалпы жиналғаны 216 тонна. Терімге түсетін жердің 1790 гектары дефоляциядан өткізіліп, мақтаны машинамен теруге дайындық жұмыстары жалғасуда. Мақта теріміне қатысады деп есепке алынған ауыл шаруашылығы техникалары толығымен тексеруден өткізілген, дайын. Аудан көлемінде 24 мақта қабылдау пункттерінің жан – жақты дайындық жұмыстары тексеріліп (таразы, зертхана,)  қабылдау жұмыстарын жүргізуге толығымен дайын тұр.

«Алтын күз» спартакиадасы мәреге жетті 

Бұдан бұрын хабарлағанымыздай 11-12 қыркүйек күндері аудандық дене шынықтыру және спорт бөлімінің ұйымдастыруымен Шардара қаласы орталық стадионында және ауылдық округтерде оқу жылының басталуына арналған жасөспірімдер арасында «Алтын күз-2016» спартакиадасы өткізілді.  

Салауатты өмір салтын насихаттау, жасөспірімдердің спортқа деген  қызығушылығын арттыру мақсатында өткізілген спартакиадаға қала, ауыл орта мектептерінен  құралған командалар қатысты. 

Өте тартысты да қызықты өткен жарыстардың қорытындысы бойынша төмендегі командалар мен азаматтар жеңімпаз аталды:

Abai.kz