Жұма, 4 Сәуір 2025
Жаңалықтар 3567 0 пікір 25 Тамыз, 2016 сағат 10:53

Оңтүстік пен Австрия ынтымақтастық орнатпақ

Оңтүстік Қазақстан облысы делегациясының Австрияға іскерлік сапары шеңберінде Оңтүстік Қазақстан облысының жаңартылмалы энергия көздері (бұдан әрі ЖЭК) саласындағы даму әлеуеті таныстырылды. Австриялық инвесторлар мен энергетикалық компаниялар өкілдерін біздің өңірдің климаттық ерекшеліктері мен баламалы энергетиканың барлық түрлерін дамыту мүмкіндігі қызықтырды. Сондай-ақ, австриялық инвесторлар Қазақстанның «жасыл экономика» тақырыбында ЭКСПО-2017 халықаралық көрмесін өткізу маңыздылығын атап өтті. 

ЖЭК саласы Австрияда жоғары дамыған, мұны Каринтия Федералды жері Үкіметінің алдағы 19-20 жылда дәстүрлі электроэнергия көздерінен «жасыл» энергетика көздерінің пайдасына толығымен бас тарту  жоспарлары көрсетіп отыр.

ОҚО делегациясы жылдық айналымы 11 миллиард АҚШ долларын құрайтын HELIOVIS заманауи күн электростанциясына барды. Кәсіпорынның бірегейлігі, электростанцияда күн концентраторының жаңа типі - HelioTube орнатылғандығы болып табылады. Аталған концентратор типі ресурстар шығынын 55 пайызға дейін үнемдеуге мүмкіндік береді, яғни көмірқышқыл газының шығарылуы қарапайым күн панельдерінен анағұрлым төмен.

Бұл ретте, Оңтүстік Қазақстан облысында электроэнергияның айтарлықтай жетіспеушілігі туындап отырғандығын атап өтуге болады. Ішкі жүйелер өңірдің электроэнергия қажеттілігінің тек жартысын ғана қамтамасыз етіп отыр. Электроэнергиясының жетіспеушілігі негізінен жақын өңірлерден жеткізілу арқылы орны толтырылып отыр. Екіжақты келісім мен ынтымақтастық негізінде алдағы уақытта аталмыш олқылықтардың орны толары сөзсіз.

Электроэнергиясының жетіспеушілігін жою үшін өңірдің табиғи әлеуетін, яғни жылына 300 күн шығып тұратын күн шуағын пайдалану жоспарлануда.

Тұтастай алғанда, Оңтүстік Қазақстан облысында жаңартылмалы энергия көздерін пайдалану кең айналым алып келеді. Қазіргі таңда, облыста жаңартылмалы энергия көздері саласында 27 жоба іске асырылуда, оның ішінде 11 жоба күн электростанцияларының құрылысына бағытталған.

Шадияр Молдабеков

Abai.kz

 

0 пікір

Үздік материалдар

46 - сөз

Қайраулы қара семсер

Есболат Айдабосын 1254
Анық-қанығы

Еуропаға Ресей аумағынсыз шығу жолы

Асхат Қасенғали 3836
46 - сөз

Бізге беймәлім Барақ хан

Жамбыл Артықбаев 2788