Оӊтүстік Қазақстан облысында ауылшаруашылығыныӊ ауқымды әлеуетін іске қосу мақсатында Шардара, Отырар аудандары және Арыс пен Түркістанда жүгері мен көкөністіӊ жаӊа алқаптары игеріледі деп жоспарланған болатын. Осыған сәйкес облыстыӊ Отырар ауданында жүгері кластерін дамыту аясында дақылды тереӊ өӊдейтін қос бірдей өндіріс ошағы ашылғалы отыр. 

Естеріӊізге салсақ, былтыр Отырар ауданында жүгері кептіру және сақтау кешені ашылды. "Отырар дән" кәсіпорны жылына 15 мыӊ тонна дақылды кептіріп, сақтауға қауқарлы. Қазір мұнда екі ауысымда 35 адам жұмыс істеп жатыр.

Кәсіпорын озық технологиямен жұмыс істейді. Алдымен жүгері дәні собығынан алынып, кептіріледі. Содан кейін қамбаларда сақталады. Кептіретін құрал-жабдықтар Англиядан, сақтау құрылғылары Қытайдан арнайы алдырылған.

Бұл аудандағы индустриялық аймақта бой көтерген алғашқы кәсіпорын.

Ауданныӊ брендіне айналған дақыл биыл 7 мыӊ гектарға егіліп, әр гектарынан 120 центнерден өнім алынған. Отырар өӊірі 2020 жылға дейін алқапты 15 мыӊ гектарға жеткізіп, жүгері кластерініӊ негізін қаламақшы. 

Бұдан бұрын да хабарланғандай, бұған дейінгі облыс әкімі Бейбіт Атамқұлов өӊір халқына берген есебінде ауылшаруашылығы саласында болашақта атқарылатын жұмыстар жайлы былай деген еді: 

Үшіншіден. Ауылшаруашылық саласын дамыту. Бұл саланыӊ потенциалы өте үлкен.

Сондықтан да, келесі бесжылдықта бұл саланы дамытуға ерекше көӊіл бөлінетін болады.

Ауылшаруашылық саласын реформалаудыӊ басты бес бағытын белгіледік.

Бірінші. Суармалы жерлерді ұлғайту. Мемлекеттік бағдарлама аясында алдағы 5 жылда қарастырылған қаржыныӊ бестен бірі облысқа бөлінеді.

Нәтижесінде, бес жүз жиырма бес (525 мыӊ) мыӊ гектар жердіӊ су жүйелері жақсарады. Екінші. Фермерлерге берілетін төмен пайызды несие көлемін арттыру. Биыл бұл мақсатта "Максимум" орталығы арқылы 10 млрд. теӊге бөлінеді. Бұл өткен жылмен салыстырғанда қырық бес пайызға (45%) өсіп отыр. 
Үшінші. Кооперативтерге қарасты МТС-тер ашу. Төртінші. Бүгінгі таӊда ғылыми негізсіз ауылшаруашылығы бәсекеге қабілетті бола алмайды. Сондықтан, әрбір ауданда Ғылыми консультациялық қызмет көрсететін орталықтар ашылатын болады. Бесінші. Әрбір ауданныӊ потенциалы мен климатына сәйкес дамудыӊ басым бағыттары айқындалды. Мәселен, таулы аудандарда интенсивті бау шаруашылығы қолға алынатын болады. Биыл Қазығұрт ауданында 1800 гектарға жаӊғақ, 300 гектарға алма бақтарын егетін боламыз. Сондай-ақ, Төлеби мен Түлкібас аудандарында 1200 гектарға алма отырғызу қолға алынды. Осы аудандарда бау және оны қайта өӊдеу кластері құрылатын болады. Таулы аудандардыӊ тағы бір басым бағыты - сүт кластерін дамыту. Мақтаарал ауданында мақта шаруашылығын қайтадан қолға аламыз. Ол үшін мақтаныӊ егіс алаӊын ұлғайтамыз. Ал, өнімділігін арттыру бойынша - арнайы бағдарлама қабылданады. Бүгінде республика бойынша жылыжайлардыӊ 46 пайызы - Сарыағашта. Сарығаш - көкөнiс өндiретін нағыз "фабрикаға" айналуы тиіс. Ол үшін біз еӊ алдымен, дихандарға өнімін сыртқа шығару үшін жағдай жасалу керек. Сол үшін, біз Сарыағаш ауданында Транспорттық-логистикалық орталықтар құруды жоспарлап отырмыз. Бұл - Елбасыныӊ тапсырмасы. Сонымен қатар, Шымкент пен Түркістанда Транспорттық-логистикалық орталықтары іске қосылады. Сырдыӊ бойында 80 мыӊ гектар жаӊа суармалы жерлер қосылады. Шардара, Отырар аудандары және Арыс пен Түркістанда жүгері мен көкөністіӊ жаӊа алқаптары игеріледі. Созақ, Бәйдібек аудандарында мал шаруашылығын дамытатын боламыз. Түркістан индустриялық аймағында шұбат зауыты салынбақ. Бұл - экспортқа бағытталған өндіріс. Түркістан, Арыс, Отырар, Созақтан түйе сүтін жинау пункттері ашылатын болады. Қой етін экспорттау бойынша жұмыстар қайта қолға алынды. Жақында қой етініӊ алғашқы партиясы Иран Республикасына жолданады.

Abai.kz