وӊتۇستىك قازاقستان وبلىسىندا اۋىلشارۋاشىلىعىنىӊ اۋقىمدى الەۋەتىن ىسكە قوسۋ ماقساتىندا شاردارا، وتىرار اۋداندارى جانە ارىس پەن تۇركىستاندا جۇگەرى مەن كوكونىستىӊ جاӊا القاپتارى يگەرىلەدى دەپ جوسپارلانعان بولاتىن. وسىعان سايكەس وبلىستىӊ وتىرار اۋدانىندا جۇگەرى كلاستەرىن دامىتۋ اياسىندا داقىلدى تەرەӊ وӊدەيتىن قوس بىردەي ءوندىرىس وشاعى اشىلعالى وتىر. 

ەستەرىӊىزگە سالساق، بىلتىر وتىرار اۋدانىندا جۇگەرى كەپتىرۋ جانە ساقتاۋ كەشەنى اشىلدى. "وتىرار ءدان" كاسىپورنى جىلىنا 15 مىӊ توننا داقىلدى كەپتىرىپ، ساقتاۋعا قاۋقارلى. قازىر مۇندا ەكى اۋىسىمدا 35 ادام جۇمىس ىستەپ جاتىر.

كاسىپورىن وزىق تەحنولوگيامەن جۇمىس ىستەيدى. الدىمەن جۇگەرى ءدانى سوبىعىنان الىنىپ، كەپتىرىلەدى. سودان كەيىن قامبالاردا ساقتالادى. كەپتىرەتىن قۇرال-جابدىقتار انگليادان، ساقتاۋ قۇرىلعىلارى قىتايدان ارنايى الدىرىلعان.

بۇل اۋدانداعى يندۋستريالىق ايماقتا بوي كوتەرگەن العاشقى كاسىپورىن.

اۋداننىӊ برەندىنە اينالعان داقىل بيىل 7 مىӊ گەكتارعا ەگىلىپ، ءار گەكتارىنان 120 تسەنتنەردەن ءونىم الىنعان. وتىرار ءوӊىرى 2020 جىلعا دەيىن القاپتى 15 مىӊ گەكتارعا جەتكىزىپ، جۇگەرى كلاستەرىنىӊ نەگىزىن قالاماقشى. 

بۇدان بۇرىن دا حابارلانعانداي، بۇعان دەيىنگى وبلىس اكىمى بەيبىت اتامقۇلوۆ ءوӊىر حالقىنا بەرگەن ەسەبىندە اۋىلشارۋاشىلىعى سالاسىندا بولاشاقتا اتقارىلاتىن جۇمىستار جايلى بىلاي دەگەن ەدى: 

ۇشىنشىدەن. اۋىلشارۋاشىلىق سالاسىن دامىتۋ. بۇل سالانىӊ پوتەنتسيالى وتە ۇلكەن.

سوندىقتان دا، كەلەسى بەسجىلدىقتا بۇل سالانى دامىتۋعا ەرەكشە كوӊىل بولىنەتىن بولادى.

اۋىلشارۋاشىلىق سالاسىن رەفورمالاۋدىӊ باستى بەس باعىتىن بەلگىلەدىك.

ءبىرىنشى. سۋارمالى جەرلەردى ۇلعايتۋ. مەملەكەتتىك باعدارلاما اياسىندا الداعى 5 جىلدا قاراستىرىلعان قارجىنىӊ بەستەن ءبىرى وبلىسقا بولىنەدى.

ناتيجەسىندە، بەس ءجۇز جيىرما بەس (525 مىӊ) مىӊ گەكتار جەردىӊ سۋ جۇيەلەرى جاقسارادى. ەكىنشى. فەرمەرلەرگە بەرىلەتىن تومەن پايىزدى نەسيە كولەمىن ارتتىرۋ. بيىل بۇل ماقساتتا "ماكسيمۋم" ورتالىعى ارقىلى 10 ملرد. تەӊگە بولىنەدى. بۇل وتكەن جىلمەن سالىستىرعاندا قىرىق بەس پايىزعا (45%) ءوسىپ وتىر. 
ءۇشىنشى. كووپەراتيۆتەرگە قاراستى متس-تەر اشۋ. ءتورتىنشى. بۇگىنگى تاӊدا عىلىمي نەگىزسىز اۋىلشارۋاشىلىعى باسەكەگە قابىلەتتى بولا المايدى. سوندىقتان، ءاربىر اۋداندا عىلىمي كونسۋلتاتسيالىق قىزمەت كورسەتەتىن ورتالىقتار اشىلاتىن بولادى. بەسىنشى. ءاربىر اۋداننىӊ پوتەنتسيالى مەن كليماتىنا سايكەس دامۋدىӊ باسىم باعىتتارى ايقىندالدى. ماسەلەن، تاۋلى اۋدانداردا ينتەنسيۆتى باۋ شارۋاشىلىعى قولعا الىناتىن بولادى. بيىل قازىعۇرت اۋدانىندا 1800 گەكتارعا جاӊعاق، 300 گەكتارعا الما باقتارىن ەگەتىن بولامىز. سونداي-اق، تولەبي مەن تۇلكىباس اۋداندارىندا 1200 گەكتارعا الما وتىرعىزۋ قولعا الىندى. وسى اۋدانداردا باۋ جانە ونى قايتا وӊدەۋ كلاستەرى قۇرىلاتىن بولادى. تاۋلى اۋدانداردىӊ تاعى ءبىر باسىم باعىتى - ءسۇت كلاستەرىن دامىتۋ. ماقتاارال اۋدانىندا ماقتا شارۋاشىلىعىن قايتادان قولعا الامىز. ول ءۇشىن ماقتانىӊ ەگىس الاӊىن ۇلعايتامىز. ال، ونىمدىلىگىن ارتتىرۋ بويىنشا - ارنايى باعدارلاما قابىلدانادى. بۇگىندە رەسپۋبليكا بويىنشا جىلىجايلاردىӊ 46 پايىزى - سارىاعاشتا. سارىعاش - كوكونiس وندiرەتىن ناعىز "فابريكاعا" اينالۋى ءتيىس. ول ءۇشىن ءبىز ەӊ الدىمەن، ديحاندارعا ءونىمىن سىرتقا شىعارۋ ءۇشىن جاعداي جاسالۋ كەرەك. سول ءۇشىن، ءبىز سارىاعاش اۋدانىندا ترانسپورتتىق-لوگيستيكالىق ورتالىقتار قۇرۋدى جوسپارلاپ وتىرمىز. بۇل - ەلباسىنىӊ تاپسىرماسى. سونىمەن قاتار، شىمكەنت پەن تۇركىستاندا ترانسپورتتىق-لوگيستيكالىق ورتالىقتارى ىسكە قوسىلادى. سىردىӊ بويىندا 80 مىӊ گەكتار جاӊا سۋارمالى جەرلەر قوسىلادى. شاردارا، وتىرار اۋداندارى جانە ارىس پەن تۇركىستاندا جۇگەرى مەن كوكونىستىӊ جاӊا القاپتارى يگەرىلەدى. سوزاق، بايدىبەك اۋداندارىندا مال شارۋاشىلىعىن دامىتاتىن بولامىز. تۇركىستان يندۋستريالىق ايماعىندا شۇبات زاۋىتى سالىنباق. بۇل - ەكسپورتقا باعىتتالعان ءوندىرىس. تۇركىستان، ارىس، وتىرار، سوزاقتان تۇيە ءسۇتىن جيناۋ پۋنكتتەرى اشىلاتىن بولادى. قوي ەتىن ەكسپورتتاۋ بويىنشا جۇمىستار قايتا قولعا الىندى. جاقىندا قوي ەتىنىӊ العاشقى پارتياسى يران رەسپۋبليكاسىنا جولدانادى.

Abai.kz