.png)
ЖАПЫРАҚТЫ БІЛМЕЙДІ-АУ ЖАНШЫҒАНЫН...
Жаздан қалған жақындар, бауыршылар,
Жазған күнде жан бар ма хәлің сұрар?!
...Көтере алмай кеудесі күздің дертін,
жапырақтар аспанды ауырсынар!..
Жылап қоя берердей қараса күн,
қар астында шуаққа таласады.
Суығын-ай қара жер бауырының,
Аспанының ауыры-ай қарашаның.
Жаз келеді – дейді ол – жан шуағын,
алам күннің, ақ қардан аршыламын!..
...Қар үстінде сүйісіп тұрған ғашық,
жапырақты білмейді-ау жаншығанын...
Ерлан ЖҮНІС
Facebook-тегі парақшасынан
