جاپىراقتى بىلمەيدى-اۋ جانشىعانىن...
جازدان قالعان جاقىندار، باۋىرشىلار،
جازعان كۇندە جان بار ما ءحالىڭ سۇرار؟!
...كوتەرە الماي كەۋدەسى كۇزدىڭ دەرتىن،
جاپىراقتار اسپاندى اۋىرسىنار!..
جىلاپ قويا بەرەردەي قاراسا كۇن،
قار استىندا شۋاققا تالاسادى.
سۋىعىن-اي قارا جەر باۋىرىنىڭ،
اسپانىنىڭ اۋىرى-اي قاراشانىڭ.
جاز كەلەدى – دەيدى ول – جان شۋاعىن،
الام كۇننىڭ، اق قاردان ارشىلامىن!..
...قار ۇستىندە ءسۇيىسىپ تۇرعان عاشىق،
جاپىراقتى بىلمەيدى-اۋ جانشىعانىن...
ەرلان ءجۇنىس
Facebook-تەگى پاراقشاسىنان
