Астана. 15 қыркүйек. ҚазТАГ – Астананың тұрғын үй басқармасында пәтер алуға кезекте тұрған елордалық балалар үйінің бұрынғы тәрбиеленушілеріне жалға берілетін тұрғын үйлердің кілттері табыс етілді, деп хабарлады әкімнің баспасөз қызметі.

«Астаналықтардың осы санатын тұрғын үймен қамтамасыз ету қажеттілігі мәселесін Астана әкімі Иманғали Тасмағамбетов2009 және 2010 жж (...) халықпен есептік кездесуде көтерген болатын. Пәтерлер кезек бойынша мемлекеттік тұрғын үй қорынан мұқтаж жандарға жеке пәтер алғанға дейін уақытша пайдалануға беріледі. Жеке пәтер алғандажетімдер жалға алған тұрғын үйді босатады.«Астана қаласының тұрғын үй басқармасы» ММ босаған пәтерлерді қайтадан қоныс тойын күтіп жүрген жетім балаларға береді», -делінген әкімдіктің баспасөз қызметі сәрсенбі күні таратқан хабарламада.

Баспасөз қызметінің түсіндіруінше, пәтерді жалға алған тұрғындарымен пәтерлердің иесі -«Қалалық жылжымайтын мүлік» МКК ұзарту мүмкіндігі қарастырылған бір жылдық жалға алу келісімін жасайды.

Жетім балаларға баспана екі адамға бір бөлме есебінен берілетін болады. Кезекте тұрғандарға 11 бір- және екі бөлмелі пәтер бөлінген.

Жалға алу құны шаршы метрі үшін Т220 құрайды. Сонымен қатар жалға алушылар коммуналдық қызмет үшін ақыны өздері төлейтін болады.

«Қалалық жылжымайтын мүлік» МКК резервінен «Искандер» ТК (…) 2 кіре беріс, нақтырақ айтқанда 24 пәтер берілді», - деп хабарлайды әкімнің баспасөз қызметі.