Астана. 15 қыркүйек. ҚазТАГ - Айгүль Түлекбаева. Депутат Ирак Елекеев қазақстандық олигархтарды спортқа қаражат салуға шақырды.

«Қысқа ғана уақыт ішінде велоспорт федерациясы ғана емес, сонымен қатар Болат Өтемұратов бастаған үлкен теннис федерациясы да үлкен жетістікке қол жеткізді. Тұрлыхановтар әулетінің арқасында ауыр атлетика, күрес және гандбол федерациясы белсенді жұмыс істеуде. Асқар Мамин де хоккейдің, Әділбек Жақсыбеков футболдың дамуына біршама қаржы мен күш салуда. Әсіресе, Тимур Құлыбаев жеке қаражатының қомақты бөлігін Қазақстан боксына жұмсап отыр. Айта кететін жайт, қалған миллионерлеріміз қайда?! Мысалы, Ким, Миттал, Шодиев, Ибрагимов, Машкевич, Субханбердин және тағы басқалары?» - деді И. Елекеев сәрсенбі күні мәжілістің пленарлық отырысында ҚР премьер-министрі Кәрім Мәсімовке жолдаған депутаттық сауалында.

«Біз премьер-министрмен бірге муай-тай және кикбоксингфедерацияларын басқарамыз, өйткені бұл спорт түрлері олимпиадалық спорт түрлерінің қатарына жатпайды», -деп еске салып өтті мәжіліс депутаты.

Сондай-ақ, ол өз есебінен кезекті«Тур де Франс»көпкүндігінде «Астана» командасының қатысуымен «Тур де Франс» маршрутының әрбір елді мекенінде қазақ халқының салт-дәстүрлері мен салт-жоралары және бүгінгі Қазақстанның жетістіктері туралы әңгімелейтін кәдесыйлар сату пунктерін, бейнелеу өнерінің көрмесін, фотокөрмелер, жанкүйер-туристер үшін сапарлар ұйымдастыруды ұсынды.

Сонымен қатар И. Елекеев «елордада «Астана» велокомандасының құрметіне монумент салу мүмкіндігін қарастыруды» сұрады.