Кедендік бақылау комитетінің экс-төрағасы, оған дейін Ішкі істер министрі лауазымында болған Серік Баймағанбетов қызмет бабын пайдаланып сыбайлас жемқорлыққа жол бергені үшін 10 жылға бас бостандығынан айырылған болатын. 2012 жылдан бері Қарағанды облысының аумағындағы колонияда жазасын өтеп келген Баймағанбетов бостандыққа шықты.

Ақпарат көзінің хабарлауынша, Баймағамбетов түрме тәртібін бұзбай, өзін жақсы жағынан көрсете білгендіктен мерзімінен бұрын шартты түрде босатылған. Ол қазір өз үйінде болуы мүмкін...

Қалай болғанда да, атқарушы билікте болған, мемлекет тарихында аты жазылатын азаматтардың абыройлы болғаны керек. Ал, Серік мырзаның шынымен қылмысқа қатысы болғандығы мен болмағандығын тағы да таразылайтын күн туатын шығар. Ар сотынан артық әділет бар ма өзі?

Abai.kz