Келісім жөнінде өткен жұма күні Ресейдің сыртқы істер министрі Сергей Лавров мәлімдеген. Дүйсенбі күні Женевада Сирия үкіметінің өкілдері мен оппозиция делегациясы кездесуі керек.

Соғыс әзірге оңтүстіктің үш қаласында - Дараа, Кунейтра және Свиидада тоқтаған. Сириядағы адам құқықтарын бақылайтын британдық топтың басшысы жексенбі күні таңертеңнен бері аталған қалаларда атыс дауысы естілмеді дейді.

Астанада мамыр айында өткен келіссөзден кейін Сирия президенті Башар Асад режимінің жақтастары Ресей мен Иран және оппозицияны қолдайтын Түркия төрт қауіпсіз аймағын құрып, онда оқ атуды доғару жөнінде келісімге келген.

Abai.kz