Ресей әскері Сириядағы деэскалация аймағында жұмысын бастады
Ресейдің әскери полициясы Сирияның Дамаск провинциясы Шығыс Гута ауданында жұмысқа кірісті деп хабарлайды РФ қорғаныс министрлігі.
Ресей әскерилері екі бақылау-өткізу бекеті мен төрт байқау аймағын ашқан. Қорғаныс министрлігі бұл шаралар бітім режимін қолдауға, гуманитарлық жүк өткізуге және босқындардың үйлеріне оралуына көмектеседі дейді.
9 шілдеде Сирияның оңтүстік-батысында – Дераа, Әл-Кунейтр және Сувейдте Ресей АҚШ және Иордания келіссөздері бойынша бітім орнаған.
Сирияда төрт қауіпсіздік аймағын құру туралы келісімге мамыр айында Астанада қол жеткізген.
Abai.kz
