Тәжікстаннан келген Махмадулло Давлатзода көп қабатты тұрғын үйлердің алдын сыпырып жүріп, итін гүлзарға дәретке отырғызып жатқан әйелге ескерту жасаған. Бірақ әйел "сен сын айтатындай кімсің деп" өзіне айқайлаған.

«Мен сол айқаймен дау бітеді екен деп ойладым. Бірақ келесі күні есіктің алдындағы гүлзарды суарып жүргенімде, ер адам келіп, мені жұдырықтың астына алды. Ол менің тістерімді сындырды. Әрең қашып құтылдым»,- дейді Махмадулло. Ол қазір Мәскеудің № 61 ауруханасында жатыр.

Оқиғадан кейін мигрант полицияға шағымданған. Бірақ ондағылар өтініш жазбауын, кешіре салуын сұраған. Ол келіскен. Алайда өзін сабаған ер адам тағы келіп, қысым көрсеткен.

«Әлгі ер адам тағы келді. Пышағын көрсетіп, егер әйелімнен кешірім сұрамасаң, бұл жерде енді жұмыс істемейсің деп айтты!», - дейді Махмадулло Давлатзода. Бірақ мигрант кешірім сұраудан бас тартқанында, ер адам оның құлағын тістеп алған.

Махмадулло Давлатзода 10 жылдан астам аула сыпырушы болып істейді. Тұрғындардың көбі оны сыйлайды екен.

“Қоғамдық кесім” ұйымының адвокаты Ирина Бирюкова құлағын тістеп алған ер адамның да полицияға арыз жазғанын айтады.

Abai.kz