Астана. 29 қараша. ҚазТАГ – Дүйсенбі күні Қазақстанның солтүстігіне екпінді циклон күшті әсер етіп, онда жауын-шашындатып, батыстан қатты жел соғып, кей жерлерінде бұрқасын тудырады, деп ТЖМ хабарлады. Республиканың оңтүстігі, оңтүстік-шығысы арқылы осы циклонмен байланысты атмосфералық тұтас ағым ығысады деп күтілуде.

Ведомствоның мәліметтерінше, Қостанай облысында батыстан 15-20 м/с жел тұрып, екпіні 25 м/с болып, кей жерлерде бұрқасындатып, көктайғақтанады. Ақмола, Солтүстік Қазақстан, Павлодар облыстарында – түнде кей жерлерінде, күндіз басым бөлігінде 15-20 м/с жел тұрып, екпіні 25 м/с-қа дейін жетеді, Павлодар, Солтүстік Қазақстан облысының кей жерлерінде бұрқасындатады, Ақмола облысында тұман түсіп, көктайғақтанады. Қарағанды облысында, күндіз Шығыс Қазақстан облысының кей жерлерінде тұман түседі, көктайғақтанып, 17-22 м/с жел тұрады деп күтілуде. Жамбыл, Оңтүстік Қазақстан, Қызылорда, түнде Атырау, Батыс Қазақстан, Ақтөбе облыстарында – кей жерлерінде 15-20 м/с жел тұрып, Ақтөбе облысында тұман түсіп, Жамбыл мен Оңтүстік Қазақстан облыстарында да тұман түседі. Алматы облысында түнде және таңертең кей жерлерінде тұман түседі, күндіз кей жерлерде 15-20 м/с жел тұрады.

Жақын күндері республиканың солтүстік, солтүстік-шығыс және шығыс облыстарында мұз қату үдерісі одан ары жалғасады. Қазақстанның батыс, оңтүстік, оңтүстік-шығысындағы өзен-көлдерінің гидрологиялық режимінде айтарлықтай өзгеріс болады деп күтілмейді.