Алматы. 20 қаңтар. ҚазТАГ – Алматыда Математика, физика және информатикадан аяқталған VII –ші Халықаралық Жәутіков олимпиадасында Қазақстанның жас математиктері 133 медальдың 45-ін жеңіп алды.

О. Жәутіков ат. дарынды балаларға арналған республикалық мамандандырылған физика-математика орта мектеб-интернатының  (РМФМОМИ) баспасөз қызметінің мәліметтерінше, қазақстандықтар 7 алтын медаль жеңіп алса, олардың 4-еуін РМФМОМИ оқушылары; 14 күміс медальдың 5-еуін РМФМОМИ оқушылары; 24 қола медальдың 7-еуін РМФМОМИ оқушылары жеңіп алыпты.

Командалық есепте гран при жүлдесін Мәскеулік ММУ МОҒО (Мәскеу мемлекеттік университетінің мамандандырылған оқу-ғылыми орталығы) командасы алды.

1-ші орын – Румыниялық TUDOR VIANU командасы, 2-ші орынды қазақстандық  РМФМОМИ мен Болгариядан келген Софиялық High School бөлісті. 3-ші орында Түркиялық Фатих колледжісінің және Ankara Science High School командалары мен Душанбелік Тәжік-түркиялық лицей командасы бөлісті.

Олимпиаданың жеңімпаз командаларына – құнды жүлделер: ноутбуктар, бейнекамералар, цифрлық фотоаппараттар, сондай-ақ жеңген команданың әр мүшесіне ұялы телефоннан берілді.

Халықаралық Жәутіков ат. олимпиада – республкиалық «Дарын» ғылыми-тәжірибелік орталығы мен О. Жәутіков ат. дарынды балаларға арналған республикалық мамандандырылған физика-математика орта мектеб-интернатының  (РМФМОМИ) бірлескен жобасы. Шараның демеушілері: «ExxonMobil Kazakhstan Inc.», «Microsoft Kazakhstan» және «Kcell» компаниялары болды.