الماتى. 20 قاڭتار. قازتاگ – الماتىدا ماتەماتيكا، فيزيكا جانە ينفورماتيكادان اياقتالعان VII ء–شى حالىقارالىق جاۋتىكوۆ وليمپياداسىندا قازاقستاننىڭ جاس ماتەماتيكتەرى 133 مەدالدىڭ 45-ءىن جەڭىپ الدى.

و. جاۋتىكوۆ ات. دارىندى بالالارعا ارنالعان رەسپۋبليكالىق مامانداندىرىلعان فيزيكا-ماتەماتيكا ورتا مەكتەب-ينتەرناتىنىڭ  (رمفمومي) ءباسپاسوز قىزمەتىنىڭ مالىمەتتەرىنشە، قازاقستاندىقتار 7 التىن مەدال جەڭىپ السا، ولاردىڭ 4-ەۋىن رمفمومي وقۋشىلارى; 14 كۇمىس مەدالدىڭ 5-ەۋىن رمفمومي وقۋشىلارى; 24 قولا مەدالدىڭ 7-ەۋىن رمفمومي وقۋشىلارى جەڭىپ الىپتى.

كوماندالىق ەسەپتە گران پري جۇلدەسىن ماسكەۋلىك ممۋ موعو (ماسكەۋ مەملەكەتتىك ۋنيۆەرسيتەتىنىڭ مامانداندىرىلعان وقۋ-عىلىمي ورتالىعى) كومانداسى الدى.

1-ءشى ورىن – رۋمىنيالىق TUDOR VIANU كومانداسى، 2-ءشى ورىندى قازاقستاندىق  رمفمومي مەن بولگاريادان كەلگەن سوفيالىق High School ءبولىستى. 3-ءشى ورىندا تۇركيالىق فاتيح كوللەدجىسىنىڭ جانە Ankara Science High School كوماندالارى مەن دۋشانبەلىك تاجىك-تۇركيالىق ليتسەي كومانداسى ءبولىستى.

وليمپيادانىڭ جەڭىمپاز كوماندالارىنا – قۇندى جۇلدەلەر: نوۋتبۋكتار، بەينەكامەرالار، تسيفرلىق فوتواپپاراتتار، سونداي-اق جەڭگەن كوماندانىڭ ءار مۇشەسىنە ۇيالى تەلەفوننان بەرىلدى.

حالىقارالىق جاۋتىكوۆ ات. وليمپيادا – رەسپۋبلكيالىق «دارىن» عىلىمي-تاجىريبەلىك ورتالىعى مەن و. جاۋتىكوۆ ات. دارىندى بالالارعا ارنالعان رەسپۋبليكالىق مامانداندىرىلعان فيزيكا-ماتەماتيكا ورتا مەكتەب-ينتەرناتىنىڭ  (رمفمومي) بىرلەسكەن جوباسى. شارانىڭ دەمەۋشىلەرى: «ExxonMobil Kazakhstan Inc.»، «Microsoft Kazakhstan» جانە «Kcell» كومپانيالارى بولدى.