АСТАНА. 1 cәуір. ҚазАқпарат /Айнұр Кенебаева/ - Ана мен бала денсаулығын жақсарту мақсатында Астана қаласының медициналық мекемелерінде сәбилер мен репрудиктивті жастағы әйелдерге скринингті тексерулер жүргізілуде.

Әлеуметтік маңызы бар аурулардың алдын алу аясында қала емханаларында, перзентханаларда, қалалық онкологиялық диспансерде артериалдық гипертонияның алдын алу, глюкометриямен қандағы қант деңгейін, глаукоманы анықтау мақсатындағы дәрігерлік тексерістер өткізіліп жатыр.

Бүгін қалалық №1 перзентханада жаңа туған сәбилерге аудиометрия тексерісін өткізу бойынша ашық есік күндері өтіп жатыр.

«Аудиометриялық тексеріс ерте жастан балалардың есту қабілетін тексеру, туа біткен және тұқым қуалайтын патологияларды анықтау мен алдын алу арқылы дер кезінде дәрігерлік көмек көрсету үшін ұйымдастырылады. Дер кезінде жасалған тексеріс пен уақытылы емдеу кей жағдайларда есту қабілетін қалыпқа келтіруге септігін тигізеді» , - деді №1 перзентхана бас дәрігерінің орынбасары Халима Шарипова.

Халима Шарипованың мәлімдеуінше, осындай ашық есік күндері перзентханада екі апта бұрын өткізіліп, аналарының келісімі бойынша 12 балаға аудиометриялық тексеріс жүргізілген болатын.

Әлеуметтік маңызы бар аурулардың алдын алу аясындағы скринингті зерттеулер әлі де жалғаспақ.

АСТАНА. 1 cәуір. ҚазАқпарат /Айнұр Кенебаева/ - Ана мен бала денсаулығын жақсарту мақсатында Астана қаласының медициналық мекемелерінде сәбилер мен репрудиктивті жастағы әйелдерге скринингті тексерулер жүргізілуде.

Әлеуметтік маңызы бар аурулардың алдын алу аясында қала емханаларында, перзентханаларда, қалалық онкологиялық диспансерде артериалдық гипертонияның алдын алу, глюкометриямен қандағы қант деңгейін, глаукоманы анықтау мақсатындағы дәрігерлік тексерістер өткізіліп жатыр.

Бүгін қалалық №1 перзентханада жаңа туған сәбилерге аудиометрия тексерісін өткізу бойынша ашық есік күндері өтіп жатыр.

«Аудиометриялық тексеріс ерте жастан балалардың есту қабілетін тексеру, туа біткен және тұқым қуалайтын патологияларды анықтау мен алдын алу арқылы дер кезінде дәрігерлік көмек көрсету үшін ұйымдастырылады. Дер кезінде жасалған тексеріс пен уақытылы емдеу кей жағдайларда есту қабілетін қалыпқа келтіруге септігін тигізеді» , - деді №1 перзентхана бас дәрігерінің орынбасары Халима Шарипова.

Халима Шарипованың мәлімдеуінше, осындай ашық есік күндері перзентханада екі апта бұрын өткізіліп, аналарының келісімі бойынша 12 балаға аудиометриялық тексеріс жүргізілген болатын.

Әлеуметтік маңызы бар аурулардың алдын алу аясындағы скринингті зерттеулер әлі де жалғаспақ.