"Мың пәтер" бағдарламасы елдің үш ірі қалаларында – Астана, Алматы және Шымкентте жүзеге асырылады. Астана осы бағдарлама аясында 350 пәтер алады. Азаматтар баспана жалға алу ақысы үшін 8 мың теңге ($20) төлеп, мұнда үш жыл тұрады деді қоғамдық даму министрі Дархан Қалетаев.

Пәтерлер кімдерге жалға берілетіні анықталған: 29 жасқа дейінгі балалы жастар арасынан жергілікті билік жалға алушыларды іріктейді.

Қазақстан парламентіндегі депутаттар елде баспана мәселесін шешуге бұл бағдарлама аздық ететінін мәлімдеп үлгерді. Депутаттар баспанаға үміткерлерді жасына қарай шектемеуді ұсынып отыр.

Депутат Гүлнар Иксанованың айтуынша, жас шектеуін 35-ке дейін көтеруге болар еді.

Бір ғана Астана қаласында 45 мың адам пәтер кезегінде тұр. Оны кем дегенде он жыл күтуге тура келеді.

Abai.kz