قازاقستان رەسپۋبليكاسى كاسىپتىك وداقتار فەدەراتسياسىنىڭ قوعام بەلسەندىسى ەرلان بالتابايعا قاتىستى مالىمدەمەسى

قازاقستان رەسپۋبليكاسىنىڭ كاسىپتىك وداقتار فەدەراتسياسى ەرلان بالتابايدىڭ ۇستىنەن قوزعالعان سوت ىسىنە قاتىستى وقيعالاردى مۇقيات باقىلاۋدا ۇستاپ وتىر.

كاسىپتىك وداقتار فەدەراتسياسى مەملەكەت باسشىسىنىڭ بيىل تامىزدا ە. بالتابايعا راقىمشىلىق جاساۋ تۋرالى شەشىمىن ريزاشىلىقپەن قابىلداپ، بۇل شەشىمدى ەل باسشىلىعىنىڭ مەملەكەت پەن ازاماتتىق قوعام اراسىنداعى  ديالوگتى نىعايتۋ باعىتىنىڭ جالعاسى دەپ سانايدى.

ءبىز زاڭ ۇستەمدىگىن مويىنداپ، ەڭبەكشىلەردىڭ قۇقىعى مەن مۇددەلەرىن قازاقستان رەسپۋبليكاسىنىڭ زاڭنامالارى شەڭبەرىندە قورعايمىز.

حالىقارالىق جانە ۇلتتىق قۇقىق نورمالارىن، كاسىپوداقتىڭ ىنتىماقتاستىق پەن ورتاقتاستىق قاعيداتتارىن باسشىلىققا الا وتىرىپ، كاسىپتىك وداقتار ارقاشان الەۋمەتتىك تەڭدىكتى ساقتاپ، قوعامدا شيەلەنىستەردى ازايتىپ، سىندارلى ديالوگ قۇرۋ جولىن ۇستانادى.

جوعارىدا ايتىلعاندارعا وراي، كاسىپتىك وداقتار فەدەراتسياسى ە.بالتابايعا قاتىستى قالىپتاسقان جاعدايعا الاڭداۋشىلىق ءبىلدىرىپ، قازاقستاننىڭ قۇزىرلى ورگاندارىن بۇل ءىستى قازاقستان رەسپۋبليكاسىنىڭ قولدانىستاعى زاڭنامالارىنا سايكەس وبەكتيۆتى ءارى جان-جاقتى قاراۋ ءۇشىن بارلىق قاجەتتى شارالاردى قابىلداۋعا شاقىرادى.

Abai.kz