اقتوبەدە اقپارات جانە قوعامدىق دامۋ مينيسترلىگى ۇيىمداستىرعان ەكى كۇندىك وقىتۋ سەمينارلارى ءوتىپ، وعان 80-نەن استام ادام قاتىستى.

ماقساتى – جاستاردىڭ بويىندا انتيەكسترەميستىك سانانى قالىپتاستىرۋ، ءدىني ەكسترەميزم مەن تەرروريزمگە قارسى ءىس-قيمىل ماسەلەلەرىندە قۇقىقتىق جانە ازاماتتىق جاۋاپكەرشىلىك دەڭگەيىن ارتتىرۋ، قازاقستان جاستارىنىڭ راديكالدى جانە دەسترۋكتيۆتى ءدىني اعىمدارعا قايتا ورالۋىنا جول بەرمەۋ.
سپيكەرلەر رەتىندە مەدياترەنەر، بەلگىلى بلوگەر ياكوۆ فەدوروۆ، «بىزبەن بىرگە» قوعامدىق قورى باسقارماسىنىڭ توراعاسى ءۋاليحان تۇراربەكۇلى، سونداي-اق ءدىنتانۋشىلار كونگرەسىنىڭ ساراپشىسى مەيرام يمانباەۆ ءسوز سويلەدى.
ياكوۆ فەدوروۆ وتكىزگەن «الەۋمەتتىك جەلىلەردىڭ ەكسترەميزمگە قارسى ارەكەت ەتۋ جۇمىسىنداعى الەۋمەتتىك كوممۋنيكاتسيا مەن اقپاراتتىق الماسۋدىڭ ءتيىمدى قۇرالى رەتىندەگى ءرولى» ترەنينگى اياسىندا الەۋمەتتىك جەلىلەردىڭ پسيحولوگياسى اشىلدى. قاتىسۋشىلار ءۇشىن مەدياترەنەر قوعامدىق پىكىردى قالىپتاستىرۋ نەمەسە سانانى مانيپۋلياتسيالاۋ قۇرالى رەتىندە جاڭا مەديانى تانىستىردى. سونىمەن قاتار، راديكالدى كوزقاراستارعا قارسى ارەكەت ەتۋ جونىندەگى جۇمىس ستراتەگياسى ايتىلدى، سونداي-اق الەۋمەتتىك جەلىلەردەگى ۆولونتەرلىك ۇيىمداردىڭ جۇمىسى تالقىلاندى. ءدارىس سوڭىندا ياكوۆ فەدوروۆ الەۋمەتتىك جەلىلەر ارقىلى جاستارمەن تىكەلەي ديالوگتى قالاي قۇرۋ كەرەكتىگىن كورسەتتى.
ۆولونتەرلىك قىزمەت، ۆولونتەرلىك قوزعالىستى قۇرۋ الگوريتمدەرى جانە قر-دا ۆولونتەرلىكتىڭ زاڭنامالىق بازاسىنىڭ نەگىزگى ۇعىمدارى تۋرالى سپيكەر ءۋاليحان تۇراربەكۇلى «جاستار ەكسترەميزمگە قارسى» جاستار ۆولونتەرلىك باعدارلاماسىنىڭ ۇلگىسىن قۇرۋ" تاقىرىبى بويىنشا باياندادى.

سەمينارعا قازاقستان رەسپۋبليكاسى ءىىم اقتوبە زاڭ ينستيتۋتى، اقتوبە تەحنيكالىق كوللەدجى، ق. جۇبانوۆ اتىنداعى اقتوبە مەملەكەتتىك وڭىرلىك ۋنيۆەرسيتەتى، ورتا-ارنايى وقۋ ورىندارىنىڭ ستۋدەنتتەرى مەن ماگيسترانتتارى، وڭىرلىك جاستار جانە ۆولونتەرلىك ۇيىمداردىڭ وكىلدەرى، سونداي-اق تەولوگتار مەن ءدىنتانۋشىلار قاتىستى.

جاستار ورتاسى ءوزىنىڭ الەۋمەتتىك سيپاتتامالارىنا جانە قورشاعان ورتانى قابىلداۋ وتكىرلىگىنە بايلانىستى تەرىس نارازىلىق الەۋەتىنىڭ جيناقتالۋى مەن ىسكە اسىرىلۋى تەز بولاتىن قوعامنىڭ ءبىر بولىگى بولىپ تابىلاتىنى جالپىعا ءمالىم. جاستار ورتاسىندا جەكەلەگەن الەۋمەتتىك، ساياسي، ەكونوميكالىق جانە وزگە دە فاكتورلاردىڭ اسەرىنەن قيراتۋشى اسەرگە نەعۇرلىم بەيىم راديكالدى كوزقاراستار وڭايىراق قالىپتاسادى.
كوبىنەسە ەكسترەميستىك جاستار توپتارى بەيرەسمي سيپاتقا يە. قاتتى ۇرانداردىڭ، سىرتقى اتريبۋتيكانىڭ جانە تاعى باسقالاردىڭ اسەرىنەن جاستاردا ەكسترەميستىك اعىمداردىڭ يدەيالىق نەگىزى تۋرالى تۇسىنىك جوق،
ەكى كۇندىك وقۋ سەمينارلارىنىڭ قيسىندى جالعاسى «QAZAQSTAN WITHOUT EXTREMISM!» رەسپۋبليكالىق اكتسيانىڭ باستاۋى بولدى. جاستار انتيەكسترەميستىك قوزعالىسى كوشباسشىلارىنىڭ اراسىندا كەلەسىدەي نوميناتسيالار بويىنشا بايقاۋ جاريالاندى.: «الەۋمەتتىك جەلىلەردەگى ۇزدىك پوست-جاريالانىم»، «ءدىني ەكسترەميزمگە قارسى ارەكەت بويىنشا ۇزدىك كرەاتيۆتى اكتسيا»، «ەرىكتىلەر قوزعالىسىنىڭ ۇزدىك ۇيىمداستىرۋشىسى».
اۋقىمدى كونكۋرستىڭ قورىتىندىسى اعىمداعى جىلدىڭ 22 قاراشاسىندا نۇر-سۇلتان قالاسىندا سالتاناتتى تۇردە وتكىزىلەتىن بولادى.