قازاق تىلىندە ءۇش داۋىسسىز تىركەس ءسوزدىڭ ورتاسىندا الدىڭعى ەكەۋى ءۇندى-قاتاڭ بولىپ قانا كەلە الاتىنى بەلگىلى. بۇعان قۇمىرسقا، ەسىرتكءى، قالتقى، تاعى سول سياقتى سوزدەردى مىسالعا كەلتىرۋگە بولادى.

الايدا «قازاقستان» سوزىنە نازار اۋدارساق، ءۇش قاتاڭ دىبىس تاڭباسى تىركەسە جازىلىپ، ءتىلىمىزدىڭ زاڭدىلىعىنا باعىنباي تۇرعانىن اڭعارامىز. دۇرىسىندا، بۇل ءسوز «ستان» قوسىمشاسىنىڭ الدىنان ى دانەكەر دىبىسىنىڭ تاڭباسى قويىلىپ، «قازاقىستان» نە «قازاعىستان» تۇرىندە جازىلۋى كەرەك قوي. بۇلاي جازساق، نە ەرسىلىگى بار ەدى؟ مىسالى، «ستان» قوسىمشاسىن پايدالاناتىن وزبەك، تۇرىكمەندەر وزبەكيستان، تۇركمەنيستان دەپ جازىپ وتىرعان جوق پا؟!

مۇمكىن، «قازاقستان» دەپ جازۋدى ۇسىنۋشىلار ى دىبىسىنىڭ لاتىنشا تاڭباسى جوق بولعاندىقتان ەل اتىنىڭ حالىقارالىق جازىلۋىندا قيىنشىلىق بولماسىن دەگەن شىعار. ەگەر ى-دان قاشامىز دەسەك، «قازاق ەلى»، «قازاقيا»، تاعى سول سياقتى اتاۋلاردى-اق بەرۋگە بولماي ما؟

توق ەتەرى، قالاي بولعاندا دا، قازاق ەلىنىڭ اتىنىڭ قازاق ءتىلىنىڭ زاڭدىلىعىنا باعىنباۋىنىڭ كەلىسى جوق. سوندىقتان جاڭا الىپبيگە كوشپەي تۇرىپ، ەلىمىزدىڭ اتىنىڭ دۇرىس جازىلۋىن ويلاستىرعان ءجون.

قۋانتقان ۆانوۆ

Abai.kz