تەرگەۋ قورىتىندىسىنا سايكەس، ولارعا "تەرروريستىك توپ ارەكەتىنە قاتىستى", "تەرروريزمدى ناسيحاتتادى" جانە وزگە دە اۋىر قىلمىستار جاسادى دەگەن ايىپ تاعىلعان.
سوت شەشىمى:
- التاەۆ دانيار قاناتۇلى (19 قىركۇيەك 1992 جىلى تۋعان) - 10 جىلعا سوتتالدى.
- امانگەلدى ابزال ماراتۇلى (17 قاراشا 1992 ج.) - 8 جىل.
- ايىپقاليەۆ ەرمۇقان تەمىرلانۇلى (1 قاراشا 1985 ج.) - 8 جىل.
- ابىلقايىروۆ تۇرلان جالعاسۇلى (6 ءساۋىر 1994 ج.) - 11جىل.
- اجمامبەتوۆ جاندوس (5 ماۋسىم 1990 ج.) - 8 جىل.
- باقىتجانوۆ عازينۇر قۇلماشۇلى (4 ناۋرىز 1969 ج.) - 13 جىل.
- جانسەڭگىروۆ امانجول الپامىسۇلى (29 قىركۇيەك 1986 ج.) - 12 جىل.
- يبراەۆ باقتيار مامبەتۇلى (8 جەلتوقسان 1984 ج.) - 9 جىل.
- قامالوۆ نۇرلان امانۇلى (21 قاراشا 1978 ج.) - 14 جىل.
- قۋانوۆ رۋسلان ەربولۇلى (18 تامىز 1991 جىل) - 11 جىل.
- ناربوتين الماس بالعابايۇلى (1 ءساۋىر 1986 ج.) - 8 جىل.
- ءسابيتۇلى داۋرەن، (21 شىلدە 1988 جىلى) - 11 جىل.
- سادۋاقاسوۆ دۋمان سەرىكۇلى (7 ناۋرىز 1993 ج.) - 11 جىل.
- تورەحانوۆ دانابەك ماراتۇلى (11 قاڭتار 1987 ج.) - 9 جىل.
وسى تىزىمدەگى ەرمۇقان ايىپقاليەۆ قازىر ارنايى ەمحانادا جاتىر. تۋىستارى سوعىس ايماعىندا جارالانعان ونىڭ دەنەسىنىڭ 30 پايىزى عانا قيمىلعا كەلەتىنىن ايتادى. ول اۋرۋحانادا جاتقاندىقتان سوتقا ونلاين ارقىلى قاتىستى.
سوت شەشىمىنە ساي، نۇرلان قامالوۆ جازاسىن قاتاڭ رەجيمدەگى تۇرمەدە، قالعاندارى قاۋىپسىزدىگى ورتاشا تۇرمەدە وتەيدى.
ايىپ تاعىلعان 14 ادام - تاياۋ شىعىستاعى جانجال ايماعىندا بولعان، 25-50 جاس ارالىعىنداعى ەر ازاماتتار. ولاردى قازاقستان ارنايى قىزمەتى بيىل، 2019 جىلدىڭ باسىنان بەرى بىرنەشە رەت ۇيىمداستىرعان "جۋسان" وپەراتسياسى اياسىندا وزگە جۇزدەگەن اداممەن بىرگە ەلگە ۇشاقپەن جەتكىزگەن.
17 قازاندا ۇقك جاريالاعان اقپاراتتا "جۋسان" وپەراتسياسى اياسىندا 595 قازاقستان ازاماتىنىڭ سيريادان ەلگە قايتارىلعانى، ولاردىڭ 400-دەن استامى - بالا ەكەنى ايتىلعان. ولار نەگىزىنەن وسىدان بىرنەشە جىل بۇرىن يراك پەن سيريانىڭ اۋقىمدى بولىگىن باسىپ العان يم تەرروريستىك توبىنا قوسىلعانداردىڭ وتباسى مۇشەلەرى. حالىقارالىق كواليتسيا سيرياداعى جانجالعا ارالاسقاننان كەيىن تەررورلىق توپ باقىلاۋىنداعى جەردەن ايىرىلىپ، سودىرلارعا قوسىلعان قازاقستاندىقتار مەن ولاردىڭ وتباسى مۇشەلەرى تۇتقىنعا تۇسكەن. بىرنەشە لاگەردە ۇستالعان ولاردى كەيىن قازاقستان ۇكىمەتى ەلگە جەتكىزگەن.
قازاقستانعا "جۋسان" وپەراتسياسى اياسىندا تاياۋ شىعىستان جەتكىزىلگەن بىرنەشە ادام وسىعان دەيىن جاۋاپقا تارتىلعان. ۇقك دەرەگىنشە، سيريادان ەلگە ورالعان 10 ەر جانە 5 ايەل ايىپتى دەپ تانىلىپ، سوت ۇكىمى بويىنشا ءتۇرلى مەرزىمگە باس بوستاندىعىنان ايىرىلعان.
2018 جىلى شىلدە ايىندا ۇقك ازاتتىققا سيريا مەن يراكتا سوعىس باستالعالى قازاقستاننىڭ 800-گە جۋىق ازاماتى تاياۋ شىعىسقا كەتكەنىن حابارلاعان بولاتىن.
Abai.kz
