زەڭگىاتا كولونياسىندا جازاسىن وتەپ جاتقان گۇلنارا كاريموۆاعا بۇل جولى ۇيىمداسقان قىلمىستىق توپ قۇردى دەگەن ايىپ تاعىلىپ جاتىر. وندا 255 قىلمىستىق ەپيزود بار.
12 جەلتوقساندا يمان كاريموۆا Instagram پاراقشاسىنا اناسىنىڭ تاعدىرىن جاڭا پرەزيدەنتتىڭ قىزى سايدا ميرزياەۆا شەشەتىنىن جازعان.
"بۇل تەك مۇددەلەر قاقتىعىسى عانا ەمەس، گۇلنارا كاريموۆاعا قاتىستى ءىس ءسوزسىز ساياسيلانعان. قازىرگى بيلىكتىڭ ماقساتى – انامنىڭ كوزىن جويۋ" دەپ اتاپ وتكەن يمان كاريموۆا Instagram پاراقشاسىندا.
تەرگەۋشى راسۋل يۋلداشەۆ گۇلنارا كاريموۆا ءىسى بويىنشا وزبەكستان پرەزيدەنتى اكىمشىلىگى جانىنداعى اقپارات جانە بۇقارالىق كوممۋنيكاتسيا اگەنتتىگىنە كەشەندى ساراپتاما جۇرگىزۋدى تاپسىرادى. ال بۇل اگەنتتىك باسشىلارىنىڭ ءبىرى – قازىرگى پرەزيدەنتتىڭ ۇلكەن قىزى سايدا ميرزياەۆا.
Abai.kz
