ماۋلەن اشىمباەۆ قر پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالدى، دەپ حابارلايدى اقوردا سايتى.

"ماۋلەن ساعاتحانۇلى اشىمباەۆ قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالسىن، ول قازاقستان رەسپۋبليكاسى پرەزيدەنتىنىڭ كومەكشىسى قىزمەتىنەن بوساتىلسىن",  دەلىنگەن  مەملەكەت باسشىسىنىڭ جارلىعىندا.

ايتا كەتەيىك، ماۋلەن اشىمباەۆ شىلدە ايىنان باستاپ پرەزيدەنتتىڭ كومەكشىسى بولىپ جۇمىس ىستەدى. وعان دەيىن ول «نۇر وتان» پارتياسى توراعاسىنىڭ ءبىرىنشى ورىنباسارى بولعان.

ال، وسىعان دەيىن قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى قىزمەتىن اتقارعان دارحان امانۇلى كالەتاەۆ قىزمەتىنەن بوساتىلدى.

Abai.kz