بىزدە نەگە ولاي ەمەس؟
پرەزيدەنتتىڭ تۆيتتەردەگى جەلتوقسان تۋرالى، تاۋەلسىزدىك جايلى جازعانىن وقىپ قۋانىپ جاتىرمىز. ەندى سالىستىراتىن باسقا پرەزيدەنت كورگەن جوقپىز. مۇنى دا تۇسىنۋگە بولادى.
سىزدەر 30 جىلدىڭ ىشىندە قۇربان بولعان جەلتوقسان جاستارىنا ارناپ ەلباسىنىڭ، وسى جىلى توقاەۆتىڭ الاڭعا كەلىپ گۇل شوعىن قويىپ، جەلتوقسان جايلى تەبىرەنە سويلەگەنىن كوردىڭىزدەر مە؟ مەن كورمەدىم. جەلتوقساندا كولوننانىڭ باسىندا ءجۇردىم دەپ ەستەلىك جازعان ەلباسى الاڭعا جينالعان حالىقتىڭ ورتاسىنا كەلىپ، ءبىر-ەكى تاريحي اڭگىمە ايتسا بولادى عوي. ولاي جاسامايدى. سەبەبى نەدە ەكەن؟.. ماعان ەلباسىنىڭ جەلتوقسانشىلار كولونناسىن قالاي باستاعانىن ءوز اۋزىنان ەستۋ قىزىق بولۋشى ەدى.
ەڭ بولماسا، جىلدا ماسكەۋدەگى پارادتان قالمايدى. ال، دەپۋتاتتار مەن مينيسترلەر، اكىمدەر نەگە ولاي جاسامايدى؟ شەتەلدىڭ ساياساتكەرلەرى تاريحي داتادا، تاريحي ورىنداردا جينالعان حالىقتىڭ الدىندا تۇرادى ءسوزىن سويلەپ. بىزدە نەگە ولاي ەمەس؟..
باۋىرجان سەرىكبايدىڭ الەۋمەتتىك جەلىدەگى پاراقشاسىنان
Abai.kz
