Президенттің твиттердегі желтоқсан туралы, тәуелсіздік жайлы жазғанын оқып қуанып жатырмыз. Енді салыстыратын басқа президент көрген жоқпыз. Мұны да түсінуге болады.

Сіздер 30 жылдың ішінде құрбан болған желтоқсан жастарына арнап Елбасының, осы жылы Тоқаевтың алаңға келіп гүл шоғын қойып, желтоқсан жайлы тебірене сөйлегенін көрдіңіздер ме? Мен көрмедім. Желтоқсанда колоннаның басында жүрдім деп естелік жазған Елбасы алаңға жиналған халықтың ортасына келіп, бір-екі тарихи әңгіме айтса болады ғой. Олай жасамайды. Себебі неде екен?.. Маған Елбасының желтоқсаншылар колоннасын қалай бастағанын өз аузынан есту қызық болушы еді.