بۇل قۇجات ەل پرەزيدەنتى ۆلاديمير زەلەنسكي مەن ونىڭ "حالىق قىزمەتشىسى" ("سلۋگا نارودا") پارتياسىنىڭ سايلاۋالدى باعدارلاماسىنداعى باستى ۋادەلەرىنىڭ ءبىرى بولاتىن. مەملەكەت باسشىسى سول كەزدە ەگەر دەپۋتاتتار كوررۋپتسيامەن ايىپتالىپ جاتسا، زاڭ ولارعا قىلمىستىق ءىس قوزعاۋعا مۇمكىندىك بەرۋى ءتيىس دەگەن.

بىراق زاڭ جوباسىن "ەۋروپالىق نيەتتەستىك", "باتكيۆششىنا" جانە "داۋىس" فراكتسياسىنىڭ دەپۋتاتتارى قولدامادى.

زاڭ ۋكراينا كونستيتۋتسياسىنداعى "دەپۋتاتقا قول سۇقپاۋعا كەپىلدىك بەرىلەدى" دەگەن 80-باپ جانە "جوعارعى رادانىڭ كەلىسىمىنسىز دەپۋتاتتارعا قىلمىستىق ءىس قوزعاي المايدى" دەگەن باپ الىنىپ تاستالعان.

اتالعان زاڭعا سايكەس، ەلدىڭ باس پروكۋرورى دەپۋتاتتى ۇستاۋعا شەشىم شىعارا الادى.

كوررۋپتسياعا قارسى كۇرەس ورتالىعى جاڭا قۇجات دەپۋتاتتارعا قارسى قىلمىستىق ءىس اشۋ ءۇشىن مونوپوليا قۇرۋعا مۇمكىندىك بەرەدى دەپ ەسەپتەيدى.

"مامانداندىرىلعان كوررۋپتسياعا قارسى پروكۋراتۋرا مەن ۇلتتىق كوررۋپتسياعا قارسى بيۋرو ەگەر دەپۋتاتتى پارامەن ۇستاعان جاعدايدا دا تەرگەۋ جۇرگىزە الماي قالادى", دەپ جازادى Hromadske.

"بۇگىن باس پروكۋرور بىرەۋ، ەرتەڭ باسقا، ارعى كۇنى مۇلدەم باسقا ادام بولۋى مۇمكىن. بۇل ساياسي جانە كوررۋپتسيالىق قىلمىس تۋعىزۋى مۇمكىن. ءبىر ادامنىڭ قولىنا بار قۇزىرەتتى بەرىپ قويدىق", - دەپ مالىمدەگەن "ەۋروپالىق نيەتتەستىك" پارتياسىنىڭ دەپۋتاتى الەكسەي گونچارەنكو "ناستوياششەە ۆرەميا" تەلەكانالىنا بەرگەن سۇقباتىندا.

Abai.kz