قۇرمەتتى پرەزيدەنت!

تاعدىر تاۋقىمەتىن كورىپ كەلە جاتقان بالالارىمىزدى قوعامنان شەتتەتپەي، ءتيىستى كوڭىل ءبولۋىمىز قاجەت. 2020 - مۇگەدەك بالالار جىلى بولسىنشى! كوڭىلى جارىم انالاردىڭ جانايقايىن سىزگە جەتكىزەمىن. مۇمكىندىگى شەكتەۋلى بالالارعا ءتيىستى كوڭىل بولىنبەي كەلەدى! الدىمىزداعى جىلدى وسى ساناتقا ارناۋ ارقىلى ولارعا قاتىستى الەۋمەتتىك، پسيحولوگيالىق، مەملەكەتتىك پروبلەمالاردى شەشە الامىز.

سوڭعى جىلدارى مۇگەدەك بالالاردىڭ كوبەيۋىن مەملەكەتتىك پروبلەماعا  جاتقىزىپ، وسى جولدا ونىڭ سەبەپ سالدارىن انىقتاۋ ماقساتىندا ءتۇرلى سالانىڭ عالىمدارىنان توپتاسقان ۇلتتىق كوميسسيا قۇرىپ، اناليتيكا جاساپ، زەرتتەۋ جۇرگىزۋ قاجەت دەپ ەسەپتەيمىن. سول زەرتتەۋلەردىڭ ناتيجەسىندە سەبەپ-سالدارمەن كۇرەسۋ. ناۋقاس بالالاردىڭ كۇرت كوبەيۋىنە ىقپال ەتكەن ساپاسىز ۆاكتسينا ما، انالاردىڭ تۇرمىسىنىڭ ناشارلىعى ما، ەكولوگيا ما؟! - دەگەن سۇراقتاردىڭ ناقتى جاۋابىن بەرە وتىرىپ، شەشىم قابىلداۋ كەرەك دەپ سانايمىن.

بالا - ءبىزدىڭ بولاشاعىمىز. سالاۋاتتى ۇرپاقتى دۇنيەگە اكەلۋ، ونى وتانىن سۇيەتىن ازامات ەتىپ تاربيەلەۋ مەملەكەت ءۇشىن ماڭىزدى ماسەلە! 

كەنجەگۇل تەرگەمباەۆانىڭ الەۋمەتتىك جەلىدەگى پاراقشاسىنان

Abai.kz