ۇلتتىق قوعامدىق سەنىم كەڭەسىنىڭ مۇشەسى ساياسات نۇربەك ۇسىنىستار پاكەتى تۋرالى ايتىپ بەردى.

«ۇلتتىق كەڭەستىڭ الەۋمەتتىك ماسەلەلەرى بويىنشا توبى ءبىلىم، عىلىم، دەنساۋلىق ساقتاۋ، ەڭبەك نارىعىن دامىتۋ، ءتىل، كوشى-قون بويىنشا ۇسىنىستار پاكەتتەرىن دايىنداپ، ءتيىستى مەكەمەلەرمەن تىعىز جۇمىستى اتقاردىق. جۇمىستاردى ەڭ تومەنگى دەڭگەيدەن باستادىق، سەبەبى نەگىزگى ماسەلەلەر سول جەردە شەشىلەدى. اتاپ ايتقاندا، جوعارى ءبىلىم جانە عىلىم، مەكتەپكە دەيىنگى جانە ورتا ءبىلىم، تەحنيكالىق جانە كاسىپتىك ءبىلىم، سونداي-اق ەڭبەك نارىعىن بولجاۋ مەن بىلىكتىلىكتى ارتتىرۋ تۇرعىسىندا ۇسىنىستار پاكەتى دايىندالدى»، - دەدى س.نۇربەك ۇلتتىق قوعامدىق سەنىم كەڭەسىنىڭ وتىرىسىندا.

ونىڭ ايتۋىنشا، دەنساۋلىق ساقتاۋ مينيسترلىگىمەن ىنتىماقتاستىق اياسىندا دەنساۋلىق ساقتاۋ سالاسىنداعى جۇمىس تيىمدىلىگىن ارتتىرۋ بويىنشا ۇسىنىستار پاكەتى دايىندالدى.

«قازىرگى ۋاقىتتا وسى جۇمىستى نىعايتۋ كەرەك. دەنساۋلىق ساقتاۋ سالاسىندا ءالى دە تىعىز بايلانىس ورناتىلماي جاتىر»، - دەدى ول.

بۇدان بولەك، ساياسات نۇربەك قانداستارعا قاتىستى بىرنەشە ۇسىنىسىن جەتكىزدى. ءبىرىنشى – شەتەلدەگى ەتنيكالىق قازاقتارعا جەردى پايدالانۋ قۇقىعىن بەرۋ. بۇل قازىر وتە قىزۋ تالقىلانىپ جاتقان ماسەلە. تاعى ءبىر ۇسىنىس 18 قاراشا كۇنىن ۇلتتىق كوشى-قون كۇنى دەپ بەلگىلەۋگە قاتىستى.

«جالپى، ءۇش ايدىڭ ىشىندە مەملەكەتتىك ورگاندارمەن وتە ەگجەي-تەگجەيلى جۇمىس ىستەدىك»، - دەدى ول.

Abai.kz