ء"بىزدىڭ قۇقىق قورعاۋشىلار بەلسەندى تۇردە كوتەرىپ كەلگەن ماسەلەنى شەشەتىن ۋاقىت جەتتى. سىرتقى ىستەر مينيسترلىگىنە ازاماتتىق جانە ساياسي قۇقىقتار جونىندەگى حالىقارالىق پاكتىنىڭ ەكىنشى فاكۋلتاتيۆتى حاتتاماسىنا قوسىلۋ ءۇشىن ءىستى باستاۋ تاپسىرىلادى", – دەدى توقاەۆ 20 جەلتوقساندا وتكەن پرەزيدەنت جانىنداعى ۇلتتىق قوعامدىق سەنىم كەڭەسىندە.

قازاقستاندا 2003 جىلدان باستاپ ءولىم جازاسىنا موراتوري جاريالانعان: ەڭ ۇلكەن جازا – ءومىر بويى باس بوستاندىعىنان ايىرۋ. بىراق ءولىم جازاسى زاڭدا ءالى بار. قىلمىستىق كودەكستىڭ "سوعىس جۇرگىزۋ جانە تىيىم سالىنعان قۇرالداردى پايدالانۋ", "گەنوتسيد", "جالشىلىق", "سوعىس كەزىندە مەملەكەتكە ساتقىندىق جاساۋ", "قازاقستاننىڭ تۇڭعىش پرەزيدەنتى – ۇلت ليدەرىنە قاستاندىق جاساۋ", "قازاقستان پرەزيدەنتىنە قاستاندىق جاساۋ" (تىپتەن ول ءتىرى قالسا دا), "ديۆەرسيا", "تەرروريزم اكتىسى" جانە "سوعىس كەزىندە اسكەري قىزمەتتەن باس تارتۋ" سەكىلدى 17-باپ بويىنشا ءولىم جازاسى ورىندالادى.

قازاقستان تاۋەلسىزدىگىن العان جىلداردان بەرى 536 ادامعا ءولىم جازاسى كەسىلگەن.

Abai.kz