"Біздің құқық қорғаушылар белсенді түрде көтеріп келген мәселені шешетін уақыт жетті. Сыртқы істер министрлігіне Азаматтық және саяси құқықтар жөніндегі халықаралық пактінің екінші факультативті хаттамасына қосылу үшін істі бастау тапсырылады", – деді Тоқаев 20 желтоқсанда өткен президент жанындағы Ұлттық қоғамдық сенім кеңесінде.

Қазақстанда 2003 жылдан бастап өлім жазасына мораторий жарияланған: ең үлкен жаза – өмір бойы бас бостандығынан айыру. Бірақ өлім жазасы заңда әлі бар. Қылмыстық кодекстің "Соғыс жүргізу және тыйым салынған құралдарды пайдалану", "Геноцид", "Жалшылық", "Соғыс кезінде мемлекетке сатқындық жасау", "Қазақстанның тұңғыш президенті – Ұлт лидеріне қастандық жасау", "Қазақстан президентіне қастандық жасау" (тіптен ол тірі қалса да), "Диверсия", "Терроризм актісі" және "Соғыс кезінде әскери қызметтен бас тарту" секілді 17-бап бойынша өлім жазасы орындалады.

Қазақстан тәуелсіздігін алған жылдардан бері 536 адамға өлім жазасы кесілген.

Abai.kz