دۇيسەنبى, 7 قازان 2024
3077 1 پىكىر 7 قاڭتار, 2020 ساعات 15:27

شىعىس قازاقستان وڭىرىندە جەر استىندا قالىپ قويعان كەنشى قۇتقارىلدى

ءبولىسۋ پىكىرلەردى كورىڭىز پرينتەردەن شىعارۋ شىعىس قازاقستان وبلىسىنداعى ريددەر-سوكولنىي كەنىشىندە 5 قاڭتار كۇنى تاۋ جىنىسى قۇلاعاننان كەيىن جەر استىندا قالىپ قويعان جۇمىسشىنى 7 قاڭتاردا قۇتقارۋشىلار امان-ەسەن الىپ شىقتى دەپ حابارلادى سەيسەنبى كۇنى "قازمىرىش" كومپانياسى.

كاسىپورىن تاراتقان اقپاراتتا وتكەن جەكسەنبىدە "سۋلانعان تاۋ جىنىسى" قۇلاعان كەزدە جەر استىندا بۇرعىلاۋ جۇمىسىن ىستەپ جۇرگەن جۇمىسشى سىرتقا شىعا الماي، قامالىپ قالعانى ايتىلعان. تاۋ جىنىسى قۇلاعانى تۋرالى حابار تۇسكەننەن كەيىن كومپانيا جەر استىندا جۇمىس ىستەپ جۇرگەن ادامداردى تۇگەلدەي سىرتقا شىعارعان.

جەر استىندا قالىپ قويعان جۇمىسشىمەن ارادا ۇزىلگەن بايلانىستى تەك 6 قاڭتاردا قالپىنا كەلتىرگەن. ال 7 قاڭتاردا ساعات تاڭعى 3-ءتىڭ شاماسىندا قۇتقارۋشىلار ونى جەر استىنان الىپ شىققان.

"ونىڭ دەنساۋلىق جاعدايى قالىپتى، تولىق تەكسەرۋدەن وتكىزۋ ماقساتىندا اۋرۋحاناعا جىبەرىلدى" دەپ حابارلادى "قازمىرىش".

كومپانيا ريددەر تاۋ-كەن كەشەنىندەگى توتەنشە وقيعانى تەكسەرۋ ءۇشىن كوميسسيا قۇرىلعانىن حابارلادى.

"قازمىرىش" - قازاقستاندا مىرىش، قورعاسىن، مىس پەن قىمبات مەتالدار وندىرەتىن ءىرى كومپانيا. شىعىس قازاقستانە، قاراعاندى مەن اقمولا وبلىستارىندا بولىمشەلەرى بار. "قازمىرىش" اقپاراتىندا "باس ينۆەستور" رەتىندە شۆەيتساريالىق Glencore International Ag. كومپانياسى كورسەتىلگەن.

Abai.kz

1 پىكىر