بۇگىن - قازاق ءان ونەرىن ورگە سۇيرەگەن ايگىلى كومپوزيتور مىڭجاسار ماڭعىتاەۆتى قارا ورمانداي قالىڭ ەلى قازاعى سوڭعى ساپارعا شىعارىپ سالدى.
قازاقتىڭ كلاسسيكالىق ءانىن بيىككە سامعاتقان مىڭجاسار ماڭعىتاەۆ بار ءومىرىن ونەرگە ارناپ، سول جولدا قازاق ونەرى مەن مادەنيەتىنىڭ تاريحىندا وشپەستەي جازىلىپ ءھام تىڭدارماندارىنىڭ جۇرەگىندە جاتتالىپ قالعان شوقتىعى بيىك، كەسەك تۋىندىلار جازىپ قالدىردى.
74 جاسقا قاراعان شاعىندا كەلمەس ساپارعا اتتانعان تالانتتى كومپوزيتور، حالىق ءارتىسى، مەملەكەتتىك سىيلىقتىڭ يەگەرى مىڭجاسار ماڭعىتاەۆتىڭ ۇلتتىق بوياۋى قانىق مۋزىكالىق تۋىندىلارى قازاق جانىن ماڭگىلىككە تەربەتىپ تۇرا بەرەرى حاق.

"اباي.كز" اقپاراتتىق پورتالى كومپوزيتوردىڭ وتباسىنا، اعايىن-تۋىسىنا جانە بارشا قازاققا قايعىرىپ، كوڭىل ايتادى.

بۇگىن - قازاق ءان ونەرىن ورگە سۇيرەگەن ايگىلى كومپوزيتور مىڭجاسار ماڭعىتاەۆتى قارا ورمانداي قالىڭ ەلى قازاعى سوڭعى ساپارعا شىعارىپ سالدى.
قازاقتىڭ كلاسسيكالىق ءانىن بيىككە سامعاتقان مىڭجاسار ماڭعىتاەۆ بار ءومىرىن ونەرگە ارناپ، سول جولدا قازاق ونەرى مەن مادەنيەتىنىڭ تاريحىندا وشپەستەي جازىلىپ ءھام تىڭدارماندارىنىڭ جۇرەگىندە جاتتالىپ قالعان شوقتىعى بيىك، كەسەك تۋىندىلار جازىپ قالدىردى.
74 جاسقا قاراعان شاعىندا كەلمەس ساپارعا اتتانعان تالانتتى كومپوزيتور، حالىق ءارتىسى، مەملەكەتتىك سىيلىقتىڭ يەگەرى مىڭجاسار ماڭعىتاەۆتىڭ ۇلتتىق بوياۋى قانىق مۋزىكالىق تۋىندىلارى قازاق جانىن ماڭگىلىككە تەربەتىپ تۇرا بەرەرى حاق.

"اباي.كز" اقپاراتتىق پورتالى كومپوزيتوردىڭ وتباسىنا، اعايىن-تۋىسىنا جانە بارشا قازاققا قايعىرىپ، كوڭىل ايتادى.

"اباي-اقپارات"

ماڭعىتاەۆ مىڭجاسار، كومپوزيتور. 1937 جىلى وڭتۇستىك قازاقستان وبلىسىندا تۋعان. قۇرمانعازى اتىنداعى الماتى مەملەكەتتىك كونسەرۆاتورياسىن پروفەسسور ك. ح. قوجامياروۆتىڭ كلاسى بويىنشا بىتىرگەن. ماڭعىتاەۆتىڭ شىعارماشىلىعىنىڭ جانرى ارقيلى، اشىق اۋەزدىلىگىمەن ايرىقشالانادى، ونىڭ ۇلتتىق بوياۋلى مانەرىنە ۆوكالدىق جانە حالىقتىق  اسپاپتىق ەرەكشەلىكتەردى بىرىكتىرۋ ءتان. ماڭعىتاەۆتىڭ مانەرى اسىرەسە، «قوزى مەن بايان» بالەتىندە، «ارمان»، «قۇلاگەر» سيمفونيالىق پوەمالارىندا «شەكسىز ماحاببات» وراتورياسىندا، «اقساق قۇلان»، «جايلاۋدا»، «قاراتاۋ اۋەندەرى» سياقتى حورعا ارنالعان پوەمالارىندا ، اندەرىندە انىق ءىز سالعان. ۇلى ابايدىڭ ولەڭىنە جازىلعان «نە ىزدەيسىڭ كوڭىلىم»، «قالقام-اي، مەن ۇندەمەي جۇرەمىن كوپ»، «ولسە ولەر تابيعات، ادام ولمەس...» ولەڭدەرىنە ءان-رومانستار جازدى. سازگەر جالپى سانى ءۇش جۇزگە تاياۋ ءان شىعاردى. ونىڭ ۆوكالدىق-حور، اسپاپتىق، سيمفونيالىق وراتوريا-كانتاتالارى، وركەسترلىك پوەما-سيۋيتالارى، كينوفيلمدەر مەن سپەكتاكلدەرگە جازعان شىعارمالارى زامان تىنىسىن، ءومىر شىندىعىن، دۇنيە سۇلۋلىعىن جىرلايدى. اقان سەرىنىڭ «قاراتورعاي» انىنە جازعان ۆارياتسيالارى مەن «ارمان»اتتى سيمفونيالىق پوەماسىندا، ءى.جانسۇگىروۆتىڭ «قۇلاگەر» پوەماسىنىڭ جەلىسىنە جازعان سيمفونياسى مەن "دو-ماجور" سيمفونياسىندا، "قوزى «كورپەش-بايان سۇلۋ»، «اقتولعاي» سيمفونيالىق سيۋيتالارىندا حالىق اۋەندەرىن شەبەر پايدالانعان. ال حالىق وركەسترىنە ارناپ جازعان «كوكتەم» پوەماسى مەن «كونتسەرتتىك كۇي»، «ىرعاقتى»، «توگىلمەلى» اتتى كۇيلەرى، ءتورت ءبولىمدى «اققۋدىڭ ايرىلۋى» دەگەن توپتاماسى ونىڭ كومپوزيتورلىق مۇمكىندىگىنىڭ جاڭا قىرىن اشتى. «قاراتاۋ اۋەندەرى»، «دالا داۋىسى»، «جايلاۋدا» حور پوەمالارى مەن حور سيۋيتالارى، «اۋىل تويى»، «ەلىم مەنىڭ» ۆوكالدىق-حورەوگرافيالىق كومپوزيتسياسىن تىڭداۋشى قاۋىم جىلى قابىلدادى. «اقان سەرى - اقتوقتى»، «ستالينگە حات»، «نەكە قيار»، «ءبىزدىڭ ءۇيدىڭ جۇلدىزدارى» سپەكتاكلدەرىنە، «بايشەشەك»، «كوكجيەك» كينوفيلمدەرى مەن ق.ساتباەۆ تۋرالى دەرەكتى فيلمگە، «قوجاناسىر ساۋلەتشى»، «اۋليە ەسەك»، «ءۇش تۇلەك» ت.ب. مۋلتفيلمدەرگە مۋزىكا جازعان.
ەڭبەك جولىن قازاق سسر مادەنيەت مينيسترلىگىنىڭ ونەر باسقارماسىندا اعا ينسپەكتور بولىپ باستادى. ودان كەيىن قازاقستان كومپوزيتورلار وداعىنىڭ جاۋاپتى حاتشىسى، «جازۋشى» باسپاسى ونەر جانە مۋزىكا رەداكتسياسىنىڭ باس رەداكتورى قىزمەتىندە بولدى. بەرتىن كەلە الماتى وبلىستىق مۋزىكا قوعامىنا توراعالىق ەتىپ، كومپوزيتورلار وداعى توراعاسىنىڭ باس كەڭەسشىسى قىزمەتىن اتقاردى.
«اباي-اقپارات»