اقوردادا ءوتىپ جاتقان پرەزيدەنتتىڭ كادرلىق رەزەرۆ مۇشەلەرىمەن كەزدەسۋدە مەملەكەت باسشىسى قاسىم-جومارت توقاەۆ قىزمەتكەرلەردىڭ كوماندامەن اۋىسۋ ماسەلەسىن سىنادى. 

- وكىنىشكە وراي، مەملەكەتتىك قىزمەتكەرلەردىڭ ءبىرشاماسى مۇنى سەزىنە بەرمەيدى. ەسكى جولمەن جۇمىس ىستەۋگە تىرىسىپ، ولار ەلدەگى جاڭعىرتۋ پروتسەستەرىن تەجەيدى. مەملەكەتتىك باسقارۋ جۇيەسىندە كوماندامەن اۋىسۋ ماسەلەسى ءالى دە بار. ەسەپ بەرۋ ناتيجەسىندە مەملەكەتتىك ورگانداردا اۋىسۋ كورسەتكىشتەرى - 6-10 پايىز جالپى نورمادان تىس. ءىس جۇزىندە مينيستر نەمەسە اكىم اۋىسقاندا كادر قۇرامى دا ايتارلىقتاي وزگەرەتىنى انىق.

باسشى قىزمەتكەرلەر سانىنىڭ نورماتيۆتەرى جوق. مەريتوكراتيا پرينتسيپتەرى ءاردايىم ساقتالا بەرمەيدى. ءالى كۇنگە دەيىن ىقپالدى "قامقورشىلار" تانىسى ارقىلى قىزمەتتە ءوسۋ جانە قامقورلىق جاساۋ دەرەكتەرى بار. بۇل راس، ءبىز ءبارىن بىلەمىز. مۇنداي جۇيەنى سىناۋ كەرەك، ونىڭ ىشىندە قوعامدىق پىكىر ەلەنۋى ءتيىس. باسقاشا ىستەۋگە بولمايتىنداي دارەجەگە جەتتى، سەبەبى باستى نارسە - ناتيجە، - دەدى توقاەۆ پرەزيدەنتتىك جاستار كادرلىق رەزەرۆى وكىلدەرىمەن كەزدەسۋ بارىسىندا.

Abai.kz