15 قاڭتاردا بۇكىل رەسەي ومىرىندەگى ماڭىزدى وقيعا بولدى. فەدەرالدى جينالىسقا جولداۋىندا رەسەي پرەزيدەنتى پۋتين ۇكىمەتتىڭ الداعى جىلعا ارنالعان ەكونوميكا جانە الەۋمەتتىك سالاداعى نەگىزگى مىندەتتەرىن اتادى، سونداي-اق كونستيتۋتسياعا بىرقاتار وزگەرىستەر ەنگىزىلگەنىن جاريالادى.

Deutsche Welle نەمىس باسىلىمى ءوز ماقالاسىندا، رەسەي بيلىگى بۇگىندە ەكونوميكا قيىن جاعدايدا ەكەنىن، ءارى سوڭعى جىلدارى ازاماتتاردىڭ كىرىستەرىنىڭ تومەندەگەنىن ءتۇسىنىپ وتىر. وسىعان بايلانىستى بيلىك پەن ونىڭ ماڭىزدى تۇلعالارىنىڭ رەيتينگى تومەندەيدى. قولدانىستاعى ماسەلەلەردى شەشۋ ءۇشىن بايىپتى، قاجەت بولسا تۇبەگەيلى شارالار قاجەت ەكەنى انىق.

پۋتين بۇل باعىتتا ماڭىزدى قادام جاسادى - ول ۇسىنعان كونستيتۋتسيالىق تۇزەتۋلەر ونى ەلدەگى بولىپ جاتقان بارلىق ىستەر ءۇشىن جاۋاپكەرشىلىكتەن بوساتادى. ەندى پرەمەر-مينيستر مەن دەپۋتاتتار الەۋمەتتىك-ەكونوميكالىق سالاداعى ماسەلەلەرمەن اينالىساتىن بولادى.

نەمىس ساياساتتانۋشىلاردىڭ پىكىرىنشە، مۇنداي دايىندىق 2024 جىلعا، ياعني ەلدە پرەزيدەنتتىك سايلاۋ وتەتىن ۋاقىتقا (پۋتين قاتارىنان ءۇشىنشى مەرزىمگە تۇسۋگە قۇقىلى ەمەس), ساياسي قايراتكەر رەتىندە پرەزيدەنت كىمنەن قورقاتىندىعىن كورسەتتى.

بۇل تىزىمدەگى ءبىرىنشى بولىپ دم. مەدۆەدەۆ، ول ءوزىڭىز بىلەتىندەي، مەملەكەتتىك كەڭەس باسشىسىنىڭ ورىنباسارى قىزمەتىنە تاعايىندالدى (مەملەكەتتىك كەڭەستى پۋتين باسقارادى). مامانداردىڭ ايتۋىنشا، وسىلايشا مەملەكەت باسشىسى بۇرىنعى پرەمەر-ءمينيستردى باقىلاۋدا ۇستاعىسى كەلەدى.

ايتپاقشى، مەدۆەدەۆكە بۇل لاۋازىمعا ۇلكەن ىقپال ەتۋ قيىنعا سوعادى، ويتكەنى مەمكەڭەستىڭ حاتشىسى ن. پاترۋشەۆ قاۋىپسىزدىك كۇشتەرىنە اسەر ەتۋدىڭ بارلىق تۇتقالارىنا يە. بۇل ادام مەدۆەدەۆكە جاقىن جۇرەتىندەردىڭ قاتارىنان ەمەس...

كەرىمسال جۇباتقانوۆ

Abai.kz