شاۆكات ميرزيوەۆ ولي ماجليس سەناتىنىڭ ءبىرىنشى وتىرىسىندا سويلەگەن سوزىندە ەۋرازيالىق ەكونوميكالىق وداققا (ەاەو) كىرۋ تۋرالى پىكىر ءبىلدىردى. بۇل تۋرالى Forbes.kz سايتى حابارلايدى.

- ءبىزدىڭ كوپتەگەن ازاماتتارىمىز شەت ەلدەردە، قازاقستاندا، رەسەيدە جۇمىس ىستەيدى. ءبىز بۇل جاعدايعا بەي-جاي قاراي المايمىز. مەن ءبىر نارسەنى ايتقىم كەلەدى. ەشكىم، ەشقاشان، ەشكىمگە تاۋەلسىزدىكتى بەرمەيدى. تاۋەلسىزدىك - حالىق سەنەتىن پرەزيدەنتتىڭ قولىندا. ءبىز بۇل وداقتىڭ مۇشەسى بولا المايمىز، - دەدى شاۆكات ميرزيوەۆ.

وزبەكستان پرەزيدەنتى بۇل وداققا باقىلاۋشى ەكەنىن، بىراق ونىڭ مۇشەسى ەمەس ەكەنىن باسا ايتتى.

- ءبىز بۇل وداقتىڭ جاقسى جانە جامان جاقتارىن باقىلايمىز. جاي عانا كورەرمەن بولامىز. ءبىز ۆلاديمير ۆلاديميروۆيچپەن سانكت-پەتەربۋرگتە كوپ تالقىلادىق. ءبىزدىڭ بۇل وداققا كىرمەگەنىمىزگە سەنىمدى بولىڭىز. ويتكەنى ءبىز بۇل قادامدى ۇلتتىق مۇددەنى ەسكەرە وتىرىپ جاسايمىز، - دەپ تۇيىندەدى پرەزيدەنت.

ميرزيوەۆتىڭ ايتۋىنشا، قازىر وزبەكستان ەۋروپامەن GSP + ستاندارتى بويىنشا جۇمىس جاساماق.

- ءبىز 2 ميلليارد دوللارعا جەمىستەر مەن كوكونىستەردى قايتا وڭدەۋدىڭ ۇلكەن پروتسەسىن باستادىق. سوڭعى 30 جىل ىشىندە ءبىزدىڭ ەكسپورتقا باعىتتالعان بىردە-ءبىر ءونىم ستاندارتقا سايكەس كەلمەدى. ءبىز ەۋروپامەن GSP + ستاندارتى بويىنشا جۇمىس جاسايمىز. بىراق ءبىر نارسەنى ءبىلىڭىز: ءبىز سونشا ءونىمدى قايدا ساتامىز؟ ءبىزدى كىم كۇتىپ وتىر؟ كىم؟ يا، ءسىز ەۋروپاعا بارا الاسىز... ءيا، ءسىز ونى 4-5 دوللاردان قىمبات ساتا الاسىز. بىراق، ستاندارتتى الۋ ءۇشىن جەردى تۇزدان، پەستيتسيدتەردەن تازارتۋ كەرەك ... جەر، سۋ ۋلانعان، - دەدى ول.

سونىمەن قاتار وزبەك پرەزيدەنتى ءوز ونىمدەرىن شىعارۋ ءۇشىن سەرىكتەستەر ىزدەيتىنىن ايتقان.

- مەن قازىر كوپ نارسە ايتا المايمىن. ءبىز كوپتەگەن جۇمىستاردى باستادىق. بىراق ءبىر نارسەنى ءبىلىڭىز، ەكونوميكانى تۇراقتاندىرۋ ءۇشىن كەم دەگەندە 50 ميلليارد دوللار قاجەت. ەندى بىزگە سونشا اقشانى كىم بەرەدى؟ ەگەر ولار نەسيە بەرسە، بۇل ساياسي نەسيە بولادى. ءبىز سەرىكتەستەر ىزدەيمىز. ولار ءبىزدىڭ نارىققا ءوز اقشالارىمەن كىرىپ، سەرىكتەس بولا الادى. ءبىز باسەكەگە قابىلەتتى ءونىم شىعارۋعا ءتيىسپىز، - دەگەن.

بۇعان دەيىن وزبەكستاننىڭ ەاەو-عا مۇشەلىگى تۋرالى وزبەكستان رەسپۋبليكاسىنىڭ مەملەكەتتىك لاۋازىمدى تۇلعالارى دا، وداقتىڭ باسقا مۇشەلەرى دە ءار ءتۇرلى پىكىر ايتقان بولاتىن.

ماسەلەن، رەسەي فەدەراتسيا كەڭەسىنىڭ توراعاسى ۆالەنتينا ماتۆيەنكو 2019 جىلدىڭ قازان ايىندا وزبەكستانعا جاساعان ساپارى كەزىندە وداققا قوسىلۋ تۋرالى شەشىم ءىس جۇزىندە قابىلدانعانىن مالىمدەگەن ەدى.

- ءبىز وزبەكستان پرەزيدەنتىنىڭ شەشىم قابىلداعانىن بىلەمىز. سوندىقتان وزبەكستاننىڭ ەۋرازيالىق ەكونوميكالىق وداققا كىرۋى تۋرالى ماسەلە پىسىقتالىپ جاتىر. ەگەر وزبەكستان وداققا كىرەتىن بولسا، وندا بۇل ارينە، وتە ۇلكەن ماسەلە. ويتكەنى ينتەگراتسيالىق ەكونوميكالىق وداق حالىقارالىق الەمدىك تاجىريبەگە سايكەس كەلەدى. دەمەك، بۇل پرەزيدەنت قابىلداعان دانا شەشىم. پروتسەسس ودان ءارى جالعاسپايدى جانە ءبىز ەۋرازيالىق وتباسى اياسىندا ىنتىماقتاسا الامىز دەپ ۇمىتتەنەمىن,- دەگەن بولاتىن.

الايدا ونىڭ ارىپتەسى، رەسەي فەدەراتسياسىنىڭ سىرتقى ىستەر جونىندەگى فەدەراتسيا كەڭەسى كوميتەتى توراعاسىنىڭ ورىنباسارى فاريت مۇحامەتشين، "2020 جىلى وزبەكستان ەۋرازيالىق ەكونوميكالىق وداقتا باقىلاۋشى مارتەبەسىن الۋ تۋرالى شەشىم قابىلدانۋى كەرەك", دەپ مالىمدەدى.

ءوز كەزەگىندە ولي ماجليس سەناتى توراعاسىنىڭ ءبىرىنشى ورىنباسارى سادىق سافاەۆ وزبەكستاننىڭ ەاەو-عا كىرۋ ماسەلەسىن ءۇش جىلدان بەرى زەرتتەپ كەلە جاتقاندىعىن جانە ەشبىر ەل بۇل ماسەلە بويىنشا رەسپۋبليكاعا قىسىم جاساي المايتىنىن اتاپ ءوتتى.

- ەاەو-عا كىرۋ نەلىكتەن وسىنداي رەزونانس تۋدىرعانىن تۇسىنەمىن. الايدا مەن بۇل تاقىرىپتى قاجەتسىز ساياسيلاندىرعىم كەلمەيدى. وزبەكستانعا قىسىم جاساۋ تۋرالى ماسەلە كوتەرمەڭىز. وزبەكستان - قىسىم جاسايتىن مەملەكەت ەمەس. وزبەكستان كوشباسشىسى قىسىمعا يىلە قوياتىن ادام ەمەس, - دەدى.

Abai.kz