ەكس-پرەزيدەنت ن.نازارباەۆتىڭ باتاسىمەن قازاقستان ۇكىمەتى مەن پارلامەنتى 1995 جىلدان بەرى ۇيلەسىمدى جۇمىس ىستەپ كەلەدى. سول ۇيلەسىمدىلىكتىڭ بيلىك ەشقاشان اۋزىنا المايتىن كەيبىر ناتيجەلەرى كەلەسىدەي:

- دەموكراتيا يندەكسى بويىنشا قازاقستان 167 مەملەكەتتىڭ ىشىندە 139-ورىندا (Democracy Index 2019, The Economist);

- كوررۋپتسيا يندەكسى بويىنشا 180 ەلدىڭ ىشىندە 113-ورىندا (Transparency International, 2019);

- ءباسپاسوز بوستاندىعى يندەكسى بويىنشا قازاقستان 180 ەلدىڭ ىشىندە 158-ورىندا (Reporters Without Borders, 2019);

- ادام بوستاندىعى يندەكسى بويىنشا (The Human Freedom Index 2019) 162 ەلدىڭ ىشىندە 73-ورىندا (Fraser Institute);

- Freedom in the World رەيتينگىندە (Freedom House 2019) قازاقستاننىڭ ەنشىسىندە 100 باللدان 22 بالل. 100 بالل ادام قۇقىقتارى تولىعىمەن ساقتالادى دەگەن ءسوز. جيناعان بالل بويىنشا مەملەكەتتەرگە ءۇش ءتۇرلى ستاتۋس بەرىلەدى. ولار: ەركىن، جارتىلاي ەركىن، ەركىن ەمەس. قازاقستاننىڭ ستاتۋسى – ەركىن ەل ەمەس;

- بالا تاربيەلەۋگە جايلى مەملەكەتتەر رەيتينگىندە 73 ەلدىڭ ىشىندە 73-ورىندا (U.S. News & World Report and the Wharton School of the University of Pennsylvania, 2019);

- قازاقستان بايلىعىنىڭ 55%-ءى 162 ادامعا تيەسىلى (Data of Credit Suisse Research Institute: «Global Wealth Report 2018»، Forbes, KPMG analysis);

- قازاقستاندىق وتباسىلار تابىسىنىڭ 47,6%-ءىن تاماققا، 2%-ءىن دەمالىسقا جۇمسايدى (ريا “رەيتينگ”، 2019).