«قىتايدان ورالعان 6 ستۋدەنت ىستىق-اتا اۋرۋحاناسىندا جاتىر، قالعان التاۋى - ماسكەۋ اۋداندىق اۋرۋحاناسىندا. ءبارى باقىلاۋدا. ولاردىڭ جاعدايى بىرقالىپتى. كوروناۆيرۋس بەلگىلەرى انىقتالعان جوق»، - دەپ اتاپ ءوتتى دەنساۋلىق ساقتاۋ مينيسترلىگى ءباسپاسوز قىزمەتى.
قىرعىزستاندا قىتايمەن شەكاراعا باقىلاۋ كۇشەيتىلگەنى ايتىلادى. وش پەن بىشكەك اۋەجايلارىنا تەپلوۆيزور ورناتىلعان. شەتەلدەن كەلگەن بارلىق ازاماتتار تەكسەرىلىپ جاتىر.
قىتاي دەنساۋلىق ساقتاۋ ۇلتتىق كوميسسياسىنىڭ مالىمەتىنشە، 28 قاڭتارداعى جاعداي بويىنشا 5 مىڭ 974 ادام جاڭا ۆيرۋستى جۇقتىرعان. 132 ادام قايتىس بولعان. تاعى 9 مىڭ 239 ادام ۆيرۋستى جۇقتىردى دەگەن كۇدىكپەن باقىلاۋدا.
Abai.kz
