بەيسەنبى, 3 ءساۋىر 2025
3998 1 پىكىر 30 قاڭتار, 2020 ساعات 12:05

قىتايدا كوروناۆيرۋس جۇقتىرعاندار سانى التى مىڭعا جەتتى

قىتايدىڭ حۋبەي پروۆينتسياسىندا سوڭعى بىرنەشە تاۋلىكتە كوروناۆيرۋستىڭ جاڭا تۇرىنەن 26 ادام قازا تاپتى. وسىلايشا جۇقپالى ۆيرۋس 132 ادامنىڭ ءومىرىن جالمادى.

ۆيرۋستان قازا تاپقانداردىڭ دەنى - قارت كىسىلەر، ولاردىڭ دەنساۋلىعى ناشار بولعان. بۇل تۋرالى South China Morning Post گازەتى حابارلادى.

بۇعان قوسا، ءبىر تاۋلىكتىڭ ىشىندە 1459 ادام ۆيرۋس جۇقتىرعانى انىقتالىپ وتىر. قىتايدا بارلىعى التى مىڭعا جۋىق ادام كوروناۆيرۋس جۇقتىرعان.

وسىلايشا، كوروناۆيرۋس جۇقتىرعاندار سانى 2002-2003 جىلى ا ءتيپتى پنەۆمونيا كورسەتكىشىنەن اسىپ ءتۇستى. دۇنيەجۇزى دەنساۋلىق ساقتاۋ ۇيىمىنىڭ مالىمەتىنشە، سول كەزدە قىتايدا ۆيرۋستان 349 ادام قازا تاۋىپ، ونى 5327 ادام جۇقتىرعان.

قىتاي دارىگەرلەرى جاڭا كوروناۆيرۋستىڭ تارالۋ اۋقىمى الداعى ون كۇندە ەڭ بيىك شەگىنە جەتەدى، ودان سوڭ جاعداي تۇراقتالۋى ءتيىس. دەگەنمەن گونكونگ ۋنيۆەرسيتەتىنىڭ ماماندارى بۇل مەرزىمدى ءساۋىر-مامىر ايلارى دەپ اتاعان.

كوروناۆيرۋس قىتايدان بولەك، جاپونيا، وڭتۇستىك كورەيا، سينگاپۋر، گەرمانيا، اقش، فرانتسيا جانە باسقا دا ەلدەردە تىركەلدى. كوپتەگەن ەل قىتايدىڭ ۋحان قالاسىنان ازاماتتارىن ەۆاكۋاتسيالاعىسى كەلەدى.

سارسەنبى كۇنى تاڭەرتەڭ ۋحان قالاسىنان 240 امەريكالىق مىنگەن ۇشاق ۇشىپ شىقتى دەپ حابارلادى Associated Press. اقش ۇكىمەتى امەريكالىق ديپلوماتتار مەن ازاماتتاردى ۋحان قالاسىنان شىعارۋ ءۇشىن ۇشاق جالداعان.

Abai.kz

1 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1039
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3471
46 - ءسوز

بىزگە بەيمالىم باراق حان

جامبىل ارتىقباەۆ 2476