پارلامەنت ءماجىلىسىنىڭ الەۋمەتتىك-مادەني دامۋ كوميتەتىنىڭ مۇشەسى ساۋىتبەك ابدراحمانوۆ قوردايداعى وقيعا قاتىستى پىكىر ءبىلدىردى.

وسىدان ەكى كۇن بۇرىن پارلامەنت ماجىلىسىنە قازاقستان حالقى اسسامبلەياسى اتىنان سايلانعان ءبىر توپ دەپۋتاتتار قورداي اۋدانىنا بارعانبىز. ءبىزدى دۇنگەن حالقىنىڭ قازاق جەرىنە قونىس اۋدارعانىنا 140 جىل تولۋىنا وراي ۇيىمداستىرىلعان سالتاناتتى مەرەكەگە شاقىردى. سول كەزدە ەلىمىزدەگى كوپ ەتنوستىڭ جاراسىمدى تىرلىگىنە كۋا بولىپ قايتقان ەدىك. ءدال وسى اۋداننان قايعىلى حابار جەتىپ جاتىر، جان اۋىرتادى. جاعداي تۇرمىستىق سيپاتتاعى، جەكە ادامداردىڭ تارتىپسىزدىگىنە بايلانىستى بولعان. وكىنىشتى جاعداي. مەملەكەت باسشىسى ارنايى مالىمدەسىن جاسادى، ءتيىستى ۆەدومستۆو باسشىلارىنا تاپسىرما بەردى. نۇر-سۇلتان قالاسىندا بريفينگ ءوتتى، جاعداي باقىلاۋدا. تراگەدياعا سەبەپكەر بولعان ارانداتۋشىلار ءوز جازالارىن الاتىنى ءسوزسىز. حالىقتى سابىرعا شاقىرامىز، اشۋعا ەرىك بەرمەگەنى دۇرىس. ءبىر كەزدەرى قىتايدىڭ تاراپىنان قورلىق كورىپ، جاپا شەگىپ كەلگەن اعايىنداردى جەكەلەگەن ادامداردىڭ قاتەلىگى ءۇشىن كىنالاۋ دۇرىس ەمەس. ءدال قازىر جاعدايدىڭ قانداي بولعانىن كەسىپ-ءپىشىپ ايتۋعا ءالى ەرتە. ارناۋى ۇكىمەت كوميسسياسى قۇرىلىپ، قوردايعا اتتانىپ كەتتى، - دەيدى ساۋىتبەك ابدراحمانوۆ.

ايتا كەتەيىك، ساۋىتبەك ابدراحمانوۆ قازاقستان حالقى اسسامبلەياسىنىڭ ماجىلىستەگى دەپۋتاتتىق توبىنىڭ جەتەكشىسى.

ەستەرىڭىزگە سالا كەتەيىك، 7 اقپان كۇنى جامبىل وبلىسى، قورداي اۋدانىنا قاراستى بىرنەشە ەلدى مەكەندە تۇرعىندار اراسىندا جانجال بولدى. رەسمي اقپارات بويىنشا 8 ادامنىڭ قازا بولعانىن حابارلاندى.

Abai.kz