ءبىزدىڭ ەل پارلامەنتتىك مەملەكەت بولماسا دا، جاماندى-جاقسىلى، وتىرىك-شىندى شەشىمدەردىڭ قابىلدانۋىنا ارالاساتىن بيلىك تارماعىنىڭ ءبىرى - پارلامەنت. وسىدان بەس-التى جىل بۇرىن ءماجىلىس عيماراتىنداعى كۇركەشىكتە الۋان گازەت ساتىلاتىن، ءتىپتى وپپوزيتسيانىڭ دا ۇنپاراقتارى تاراتىلاتىن. «جاس الاش» ءاپ-ساتتە ساتىلىپ كەتەتىن گازەتتىڭ ءبىرى ەدى. ەندى سول ءۇش-ءتورت كۇركەدە كادەسىيدان باسقا ەشتەڭە ساتىلمايدى دەۋگە بولادى. ياعني، دەپۋتاتتار ەلدەگى جاعدايدان تولىق اقپارات الاتىنداي جاعدايدان «ارىلعان»! بۇل جاعداي ءماجىلىس اپپاراتىنا الدەبىر جاڭا باسشى كەلىپ، باق-تاردىڭ اياقتارىن ءبىر ەتىككە تىعىپ، ءتىپتى، تەلەتىلشىلەرگە بىرەگەي ۆيدەوجازبالار تاراتۋدى باستاعان «جاڭاشىل» جەتەكشىنىڭ ەكپىنىمەن باستالعان، سول احۋال ودان ارى جالعاسۋدا.

ءبىزدىڭ ەل پارلامەنتتىك مەملەكەت بولماسا دا، جاماندى-جاقسىلى، وتىرىك-شىندى شەشىمدەردىڭ قابىلدانۋىنا ارالاساتىن بيلىك تارماعىنىڭ ءبىرى - پارلامەنت. وسىدان بەس-التى جىل بۇرىن ءماجىلىس عيماراتىنداعى كۇركەشىكتە الۋان گازەت ساتىلاتىن، ءتىپتى وپپوزيتسيانىڭ دا ۇنپاراقتارى تاراتىلاتىن. «جاس الاش» ءاپ-ساتتە ساتىلىپ كەتەتىن گازەتتىڭ ءبىرى ەدى. ەندى سول ءۇش-ءتورت كۇركەدە كادەسىيدان باسقا ەشتەڭە ساتىلمايدى دەۋگە بولادى. ياعني، دەپۋتاتتار ەلدەگى جاعدايدان تولىق اقپارات الاتىنداي جاعدايدان «ارىلعان»! بۇل جاعداي ءماجىلىس اپپاراتىنا الدەبىر جاڭا باسشى كەلىپ، باق-تاردىڭ اياقتارىن ءبىر ەتىككە تىعىپ، ءتىپتى، تەلەتىلشىلەرگە بىرەگەي ۆيدەوجازبالار تاراتۋدى باستاعان «جاڭاشىل» جەتەكشىنىڭ ەكپىنىمەن باستالعان، سول احۋال ودان ارى جالعاسۋدا.

الايدا، ونى اينالىپ ءوتىپ، ءوز اقپاراتى مەن ىقپالىن جۇرگىزۋگە ەشكىم دە كەدەرگى بولا  المايدى. جۋىردا سەناتقا بارىپ قالعانىم بار: سايلاۋشىلار كەلەتىن كىرەبەرىستە 2-3 ۇساق گازەتتەر ءۇيىمى جاتتى. ءبارى دە ورىس تىلىندە: بىرەۋى - «كازاچي كۋرەر»، ەندى ءبىرى - «كوممۋنالنايا پراۆدا». بۇل - كازاكتاردىڭ تىكەلەي ىقپالى بولماسا دا، سەناتورلارعا قىر كورسەتۋدىڭ ءبىر جولى ەكەنى اپ-انىق. ارينە، گازەتتە ىشىندە قازاققا قارسى ەشتەڭە دە جوق،ءتىپتى، قازاقتان ارتىق قازاقستاندى كازاك يەمدەنىپ، جاقسى كورەتىندەي ماتەريالدار بار. كوشەدە، شىركەۋدە كوسىلىپ، ەمىن-ەركىن شەپ قۇرعان حريستيانداردىڭ ساپ تۇزەۋى ەلدىڭ ىقپالى كىمنىڭ قولىندا دەگەنگە جاۋاپ بولعانداي. ونسىز دا ءتىل مەن رۋح تۋراسىندا تىزەسى قالتىرايتىن قازاق سەناتورلارعا مىناۋ بارىپ تۇرعان استىرتىن قوقان-لوققى دەسە بولعانداي.

ءبىر قىزىعى، ەلدەگى ساياسات كوزى بولىپ تابىلاتىن دەپۋتاتتاردىڭ ءبىر دە ءبىرى تەك قانا ورىس تىلىندە تارايتىن كوممۋنالدىق اقپاراتقا قاتىستى ەشتەڭە دەمەيتىنىن قايتەرسىڭ؟! «كوممۋنالدىق پراۆدا» «كوممۋنالدىق شىندىق» اتالماسا دا، اقپاراتتىڭ تەڭ جارتىسى نەگە قازاقشا شىقپايدى؟ جالپىازاماتتىق سيپاتى بار اقپاراتتىڭ ەلدە مەملەكەتتىك تىلدە تارالۋىن مىندەتتەيتىندەي نەگە پىكىر جوق؟ ويتكەنى، قازاق ءتىلىنىڭ مەملەكەتتىك مارتەبەسىن بىلاي قويعاندا، ەلدەگى ازاماتتاردىڭ كەمىندە تەڭ جارتىسى (الپىس پايىزى) قازاقتىلدى ەمەس پە، ولار ءوز تىلىندە اقپارات الۋعا قاقى بار ەمەس پە؟ قاراپايىم وسى جايتتى اڭعارمايتىن، كىشكەنە عانا ماسەلەنى اشا المايتىن، ونى ساياساتقا اينالدىرا المايتىن، سايكەس شەشىم قابىلداتتىرا المايتىن ادامداردىڭ پارلامەنت اسحاناسىنان ارزان تاماقتانۋىنىڭ ءوزى قانشالىقتى اقتاۋلى؟

باسقا جاعىنان العاندا، بورىدەي شۋلاعان ۇلتشىلداردىڭ ءبىر دە بىرەۋىندە ۇنپاراق جوقتىعى، بولسا ونىڭ ەشبىر ىقپال ەتەتىندەي ورىنعا تارالماۋى دا، ءبىزدىڭ ۇلتپاتتاردىڭ جاعدايىنان حابار بەرسە كەرەك...

استانا

سول جاعالاۋ

«اباي-اقپارات»